ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
இந்திய திரையுலகமே ஆவலுடன் எதிர்பார்க்கும் பாகுபலி-2 படம் அடுத்தமாதம் 28-ம் தேதி ரிலீஸாக உள்ளது. படத்தின் வெளியீட்டு தேதி நெருங்கிவிட்டதால் இப்படத்தின் வியாபாரம் சூடு பிடிக்க ஆரம்பித்துள்ளது. படத்தின் விநியோக உரிமை, சாட்டிலைட் உரிமை உள்ளிட்டவை விற்கப்பட்டு விட்டதால் படம் ரிலீஸாவதற்கு முன்பே பெரிய லாபம் பெற்றுவிட்டதாக கூறப்படுகிறது.
இதனிடையே சமீபத்தில் வெளியிடப்பட்ட பாகுபலி-2 டிரைலருக்கு யாரும் எதிர்பார்க்காத வகையில் அதிக வரவேற்பு கிடைத்துள்ளது. தமிழ், தெலுங்கு, ஹிந்தி, மலையாளம் என நான்கு மொழி டிரைலர்களுக்கும் 10 கோடி ஹிட்ஸ் கிடைத்துள்ளது. இதன்மூலம் உலகளவில் அதிகம் பார்க்கப்பட்ட டிரைலர் பட்டியலில் 7வது இடத்தை பிடித்த முதல் இந்திய பட டிரைலர் என்ற சாதனையை பாகுபலி-2 கைப்பற்றியுள்ளது.
இதுஒருபுறம் இருக்க பாகுபலி-2 படம் இதுவரை இல்லாத அளவுக்கு இந்தியாவில் மட்டும் சுமார் 6500 தியேட்டர்களில் ரிலீஸாக உள்ளது. அமெரிக்காவில் மட்டும் சுமார் 750 தியேட்டர்களிலும், உலகம் முழுக்க பல்வேறு நாடுகளில் 1000 தியேட்டர்களிலும் படம் ரிலீஸாக உள்ளது. எந்த ஒரு இந்திய படத்துக்கும் இத்தனை திரையரங்குகள் கிடைத்ததில்லை என்கிறார்கள். இதுவே ஒருமிகப் பெரிய சாதனையாகும்.