Dinamalar

ஏமாற்றிய 'ப்ரூஸ்லீ, கட்டப்பா' ?

ஒவ்வொரு வாரமும் வெளிவரும் படங்களில் எந்தப் படம் ரசிக்க வைக்கும், எந்தப் படம் வாங்கியவர்களையும் சேர்த்துக் காப்பாற்றும் என்பது புரியாத புதிராகவே உள்ளது. கடந்த வெள்ளிக்கிழமை 17ம் தேதி “ப்ரூஸ்லீ, கட்டப்பாவ காணோம், ஒரு முகத்திரை, வாங்க வாங்க, கன்னா பின்னா' ஆகிய படங்கள் வெளிவந்தன. இவற்றில் 'ப்ரூஸ்லீ, கட்டப்பாவ காணோம்' ஆகிய படங்கள் ஓரளவிற்கு ஓடிவிடும் என்று எதிர்பார்க்கப்பட்டது. ஆனால், இரண்டு படங்களுமே ரசிகர்களின் எதிர்பார்ப்பை பூர்த்தி செய்யாத படங்களாக அமைந்தன.

இரண்டு படங்களிலும் இரட்டை அர்த்த வசனங்கள் நிறைந்து காணப்பட்டது படம் பார்க்கச் சென்ற குடும்பத்தினரை அதிர்ச்சிக்குள்ளாக்கியிருக்கிறது. இரண்டு படங்களிலுமே ஆபாசம் தொனிக்கும் மிக மோசமான காட்சிகள் இருந்ததைக் கண்டு பலரும் முகம் சுளித்துள்ளனர். இரண்டு படங்களுக்கும் எப்படி 'யு' சான்றிதழ் கொடுத்துள்ளார்கள் என்பதும் திரையுலகத்தில் உள்ளவர்களையே யோசிக்க வைத்துள்ளது.

அதிலும், ஜி.வி.பிரகாஷ் தொடர்ந்து இப்படிப்பட்ட படங்களில் நடித்து வருவது ஆச்சரியமாக இருக்கிறது. அவர் நாயகனாக அறிமுகமான முதல் படம் தவிர, அடுத்து வெளிவந்த படங்களில் பெண்களைத் தரக்குறைவாகப் பேசும் காட்சிகளிலும், ஆபாச வசனங்களைப் பேசியும் நடித்து வருகிறார் என்ற குற்றச்சாட்டு எழுந்துள்ளது.

'கட்டப்பாவ காணோம்' படத்திலும் படம் முழுவதிலுமே இரட்டை அர்த்த வசனக் காட்சிகள் நிறைந்து காணப்படுகிறது. இன்றைய இளம் இயக்குனர்கள் இப்படிப்பட்ட படங்களை எடுத்தால் எளிதில் வெற்றி பெற்றுவிடலாம் என்ற தவறான கண்ணோட்டத்தில் இருக்கிறார்களோ என்று சந்தேகப்பட வைக்கிறது.

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் ...
• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'
• 
  மகாபாரத கதையை 2 பாகங்களாக இயக்கும் லிங்குசாமி
• 
  இன்ஸ்டா கணக்கு நீக்கம் : யுவன் விளக்கம்