நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் | ஏழு தோல்வி படங்களுக்குப் பிறகு ஏப்., 26ல் வெற்றியை ருசிப்பாரா திலீப் ? |
பாகுபலி நாயகன் பிரபாஸ் அப்படத்தின் இரண்டாம் பாகத்திற்கான படப்பிடிப்புகளை நிறைவு செய்துவிட்டார். மூன்று, நான்கு ஆண்டுகளை பாகுபலி படத்தின் இரண்டு பாகங்களுக்காக செலவிட்ட பிரபாஸ் பிற படங்களில் நடிக்க தற்போது தயாராகி வருகின்றார். ரன் ராஜா ரன் பட புகழ் இயக்குனர் சுஜீத் இயக்கவிருக்கும் கமர்ஷியல் படத்தில் பிரபாஸ் போலீஸாக நடிக்கவுள்ளார். பாகுபலி-2 படத்தின் படப்பிடிப்புகள் நிறைவடைந்தவுடன் சுஜீத் தனது படத்தின் ப்ரீ புரொடக்ஷன் பணிகளை துவங்கிவிட்டார். கத்தி படத்தில் நடித்த பாலிவுட் நடிகர் நீல் நிதின் முகேஷ் சுஜீத்-பிரபாஸ் படத்தில் முதன்மை வில்லனாக நடிக்கவுள்ளதாகக் கூறப்பட்டது. ஆனால் தற்போது பிரபல ஹிந்தி நடிகர் விவேக் ஓபுராய் இப்படத்தில் நடிப்பதாக கூறப்படுகின்றது. தெலுங்கு, தமிழ் மற்றும் ஹிந்தி என மூன்று மொழிகளில் இப்படம் வெளியாகவுள்ளது. இதனால் மூன்று மொழிகளுக்கும் பரிச்சையமான நடிகர்களை சுஜீத் தேர்வு செய்து வருகின்றார். அந்த வகையில் ஏற்கனவே சில தெலுங்கு படங்களில் நடித்துள்ள விவேக் தற்போது அஜித்தின் விவேகம் படத்தில் நடித்து வருகின்றார். விரைவில் பிரபாஸ்-சுஜீத் பட தொழில்நுட்ப கலைஞர்கள் மற்றும் நடிகர்கள் குறித்த அறிவிப்பு வெளியாகும் என தெரிகிறது.