டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
சமீபகாலமாக தமிழ் சினிமாவில் தலைப்பு பஞ்சம் ஏற்பட்டிருப்பது கண்கூடாக தெரிகிறது. ஏற்ற பட தலைப்பு கிடைக்காமல் பழைய படங்களின் தலைப்பையே வைத்து வருகின்றனர். இன்னும் சிலர் பிரபல நடிகர்கள் பேசிய டயலாக்கை எல்லாம் தலைப்பாக்கி வருகின்றனர். அந்தவகையில் ரஜினி பேசிய பிரபல வசனம் ஒன்று இப்போது பட தலைப்பாகியுள்ளது.
முள்ளும் மலரும் படத்தில் ரஜினி பேசிய கெட்ட பையன் சார் இந்தக் காளி என்ற வசனம் கெட்ட பையன் சார் இவன் என படப் பெயராகியுள்ளது. சதுரங்க வேட்டை திரைப்படத்தின் மூலம் காந்தி பாபுவாக ரசிகர்கள் மனதில் இடம் பிடித்த வித்தியாச நடிகர் நட்டிதான் இப்படத்தின் நாயகனாக நடிக்கிறார்.
படத்தை இயக்குபவர் அறிமுக இயக்குநர் தீபக் சுந்தர் ராஜன். இவர் நடிகர் ஆர்.சுந்தர்ராஜனின் மகன் ஆவார். அப்பா இயக்குநர் என்பதால் எல்லாம் தனக்குத்தெரியும் என மகன் அப்படியே திரைப்படம் இயக்க வந்து விடவில்லை. முறையாக இயக்குநர் ஏ.எல்.விஜய்யிடம் உதவி இயக்குநராகப் பணியாற்றிவர்.
இதே படத்தில் ஏ.எச்.காஷிப் என்பவர் இசையமைப்பாளராக அறிமுகமாகிறார். இவரும் ஒரு வாரிசுக் கலைஞர்தான். இசைப்புயல் ஏ.ஆர்.ரஹ்மானின் தங்கை மகன்தான் இந்த காஷிப். கடந்த காதலர் தினத்தன்று வெளியான ”போ போ என்...“ என்கிற ஒற்றைப் பாடல் மூலம் எட்டுத் திக்குகளையும் எட்டிப் பார்க்க வைத்தவர்தான் இந்த காஷிப்.
பி.சி.ஸ்ரீராமின் மாணவர் கெளதம் ஜார்ஜ் ஒளிப்பதிவு செய்ய, எடிட்டர் பி.லெனின் மாணவர் செந்தில் சிவகுமார் எடிட்டிங் வேலையை செய்கிறார்.
6 பேஸ் ஸ்டுடியோஸ் சார்பில் நவீன் பிரபாகரன், சுரேஷ் கண்ணன், விகதேஷ், ஆக்டோஸ்பைடர் எஸ்.துரை என நண்பர்கள் இணைந்து முதல் தயாரிப்பாளர்களாக களமிறங்கியுள்ளனர்.