அரசியல் கட்சித் தலைவராக இருந்து விஜய் செய்தது சரியா ? | மோகன்லாலுடன் 56வது முறையாக ஜோடி சேரும் ஷோபனா | 'பிரேமலு 2' அறிவிப்பு : 2025ல் வெளியாகும்… | 'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி | ஓட்டு கூட போடாத திரைப்பிரபலங்கள்...! | விஜய்யைக் காப்பியடிக்கும் விஷால் : ரசிகர்கள் கிண்டல் | தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் |
அறிமுக இயக்குநர் சங்கல்ப் இயக்கத்தில், பி.வி.பி சினிமாஸ் மற்றும் மேட்னி மூவி எண்டர்டைன்மெண்ட் நிறுவனங்கள் இணைந்து தயாரித்த படம் - காஸி. 1971 ஆம் ஆண்டில் நடைபெற்ற உண்மை சம்பவத்தை அடிப்படையாகக் கொண்டு எடுப்பட்ட காஸி படத்தில், ராணா, டாப்ஸி, கே.கே.மேனன், அதுல் குல்கர்னி, நாசர் மற்றும் மறைந்த ஹிந்தி நடிகர் ஓம் பூரி ஆகியோர் முக்கிய கதாபாத்திரங்களில் நடித்திருந்தனர்.
இந்திய தொழில்நுட்பக்கலைஞர்களைக் கொண்டு டைட்டானிக் படத்துக்கு நிகரான படமாக காஸி படம் உருவாக்கப்பட்டிருப்பதாக பாராட்டப்பட்டது. இந்திய சினிமா வரலாற்றில் கடல் மற்றும் கடலக்கடியில் படமாக்கப்பட்ட முதல் படம் என்ற பெருமை பெற்ற காஸி படத்தில் இசை, ஒளிப்பதிவு, கலை மற்றும் படத்தொகுப்பு போன்ற அனைத்து அம்சங்களும் மிக சிறப்பாக அமைந்திருந்தன.
இந்தியா - பாகிஸ்தான் போரின் மறைக்கப்பட்ட பகுதியை சொல்லும் காஸி படம் கடந்த பிப்ரவரி 17 ஆம் தேதி அன்று தமிழ், தெலுங்கு, ஹிந்தி என மூன்று மொழிகளில் வெளியானது. ரசிகர்களிடையே மிகப்பெரிய எழுச்சியை ஏற்படுத்தியதோடு, வணிகரீதியிலும் மாபெரும் வரவேற்பைப் பெற்றுள்ளது காஸி. ஆனால் காஸி படத்துக்கு தமிழக அரசு வரிவிலக்கு வழங்கவில்லை என்பதுதான் அதிர்ச்சி.
இது குறித்த காரணத்தை அறிய முற்பட்டபோது, காஸி படத்தைத் தயாரித்த பட நிறுவனங்கள் பதில் அளிக்கவில்லை. ஆனால் காஸி படத்துக்கு வரிவிலக்கு வழங்குவதற்கு பெரும் தொகை கேட்கப்பட்டதாகவும், அதற்கு தயாரிப்பு தரப்பு உடன்படாத காரணத்தால், காஸி படத்துக்கு வரிவிலக்கு கிடைக்கவில்லை என படத்துறையில் பரபரப்பாக பேசப்படுகிறது.
தேசப்பற்றை வலியுறுத்தும் படத்துக்கே இந்த கதியா?