தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
பாலிவுட்டில் முன்னணியில் இருக்கும் ஹீரோக்களில் தனக்கு என்று ஒரு முக்கிய இடத்தை பிடித்து இருப்பவர் ஷாரூக்கான். தற்போது இவர் இயக்குநர் ராகுல் தொலாக்கியா இயக்கியுள்ள ‛ரயீஸ்' படத்தில் நடித்து இருக்கிறார். அடுத்தவாரம் படம் வெளியாக இருப்பதால் படத்தின் புரொமோஷனில் பிஸியாக இருக்கிறது ரயீஸ் படக்குழு. சமீபத்தில் நடந்த டிவி நிகழ்ச்சியில் பங்கேற்ற ஷாரூக்கானிடம், சல்மான் உடனான உங்களது உறவு பற்றி பத்திரிகையாளர்கள் கேட்டனர்.
இதற்கு பதில் அளித்த ஷாரூக் கூறியதாவது...." சில விஷயங்களை பகிர முடியாது. அதேப்போல் எனக்கும், சல்மானுக்கும் இடையேயான நட்பு. சல்மானுடன் நிறைய பிரச்னைகள் இருந்தது உண்மை தான். ஆனால் அது நீங்கள் எழுதியது போன்று கிடையாது. மூன்றாவது நபர்களால் எங்களது நட்பை பற்றி புரிந்து கொள்ள முடியாது. ஒருக்கட்டத்தில் வதந்திகள் அதிகமாக வந்தபோது இருவரும் ஒருவரை ஒருவர் புரிந்து கொண்டோம். நாங்கள் குழந்தைகள் இல்லை. என்னையும், சல்மானையும் எதிரிகள் என்று அனைவரும் கருதும் போது மிகவும் கவலை அடைந்தேன். நாங்கள் எதிரிகள் இல்லை. இருவரும் அனைத்து விசயங்களையும் பகிர்ந்து கொள்வோம். ஒருவர் மீது ஒருவர் மரியாதை வைத்திருக்கிறோம்" என்றார்.
‛ரயீஸ்' படம் இந்த வாரம் 25ஆம் தேதி வெளியாக இருக்கிறது.