ஏப்ரல் மாதத்தில் ரஷ்யா செல்லும் ‛தி கோட்' படக்குழு | விஜய் சேதுபதிக்கு வில்லனாகும் நாசர் | கிரிக்கெட் பின்னணி கதையில் விஜய் மகன் | சிஎஸ்கே வீரருடன் சீரியல் நடிகைக்கு காதலா? - நடிகையே சொன்ன உண்மை | பணத்திற்காக அட்ஜெஸ்ட்மெண்ட்? - ஆர்த்திகா அளித்த அதிரடி பேட்டி | வில்லியாக என்ட்ரி கொடுக்கும் ஆர்த்தி சுபாஷ் | பிளாஷ்பேக் : முதல் அரசியல் நையாண்டி படம் | சீரியல் ஜோடி திருமணம் | ஓட்டுரிமையை வீணாக்காதீர்கள் : விஜய் ஆண்டனி | மீண்டும் படமான கோத்ரா ரயில் எரிப்பு சம்பவம் : ராஷி கண்ணா நடித்துள்ளார் |
வளரும் நடிகைகளுக்கு ஒரு படத்திலாவது அஜித்துக்கு ஜோடியாகவோ அல்லது அவரது படத்தில் அவருடன் சில காட்சிகளிலாவது நடித்து விட வேண்டும் என்கிற ஆசை இருக்கும். அதேபோல வளரும் நடிகர்களுக்கு அஜித் ரசிகராக ஒரு படத்திலாவது நடித்து விட வேண்டும் என்கிற ஆசை இருக்கும். இதுவரை பலர் அப்படி நடித்திருக்கிறார்கள். சிம்பு ஒவ்வொரு படத்திலும் அப்படித்தான் நடிக்கிறார். இப்போது காமெடி நடிகர் காளி வெங்கட் எனக்கு வாய்த்த அடிமைகள் படத்தில் அஜித் ரசிகராக நடிக்கிறார்.
படத்தில் அவர் ஆட்டோ டிரைவர் மற்றும் ஹீரோ ஜெய்யின் நண்பராக நடிக்கிறார். தினமும் ஆட்டோவை எடுக்கும்போது அஜித் படத்தை வணங்கிவிட்டுத்தான் எடுப்பார். ஆட்டோ முழுவதும் அஜித் படத்தை ஒட்டி வைத்திருப்பார். அஜித் ரசிகர்களுக்கு இலவச சவாரி கொடுப்பார். மலையுடன் மோது தலையுடன் மோதாதே என்கிற மாதிரி தினமும் பன்ஞ் டயலாக் எழுதி வைப்பார்.
சென்னை புறநகர் ஒன்றில் இதன் படப்பிடிப்பு நடந்தபோது அஜித் படம் ஒட்டிய ஆட்டோக்கள், பேனர்கள், போஸ்டர்களை தயார் செய்து அஜித் பிறந்த நாளை காளி வெங்கட் கொண்டாடுவது போல காட்சியை எடுத்தார்கள். அப்போது அஜித் பட ஷூட்டிங் நடப்பதாக வதந்தி பரவ மக்கள் திரண்டு விட்டனர். பின்னர் அவர்களிடம் விஷயத்தை சொல்லி படப்பிடிப்பை தொடர்ந்து நடத்தியிருக்கிறார்கள்.
சேதுபதி படத்தை தயாரித்த வான்சன் மூவீஸ் சார்பில் ஷான் சுதர்சன் படத்தை தயாரிக்கிறார். புதுமுக இயக்குனர் மகேந்திரன் ராஜாமணி இயக்குகிறார். ஜெய், பிரணிதா, நான் கடவுள் ராஜேந்திரன், தம்பி ராமய்யா உள்பட பலர் நடிக்கிறார்கள். இதன் படப்பிடிப்புகள் மும்முரமாக நடந்து வருகிறது.