Dinamalar

போகனில் ஆஜானுபாகுவான அரவிந்த்சாமிக்காக தயாராகும் பாடல்

‛ரோமியோ ஜூலியட்' படத்தின் வெற்றியை தொடர்ந்து இயக்குநர் லக்ஷ்மன் - ஜெயம் ரவி - ஹன்சிகா கூட்டணியில் உருவாகி வரும் ‛போகன்'. கூடவே இந்தப்படத்தில் அரவிந்த்சாமியும் இணைந்திருக்கிறார். போகன் படத்தின் கதை என்னுடையது என்று ஆண்டனி என்பவர் புகார் எல்லாம் கொடுத்தார். இதில் அவர் தாக்கப்பட்டதாகவும் செய்தி வெளியானது. ஆனால் இரண்டுமே ஹாலிவுட்டிலிருந்து திருடப்பட்ட கதை என எழுத்தாளர் சங்கம் போட்டு உடைத்தது. இதெல்லாம் ஒருபக்கம் இருக்க படத்தின் படப்பிடிப்பு எந்த பிரச்னையும் இன்றி இறுதிக்கட்டத்தை நெருங்கி உள்ளது.

படத்தின் கடைசி பாடலை வெளிநாட்டில் படமாக்கி வரும் போகன் படக்குழுவினர் வருகின்ற டிசம்பர் 23 ஆம் தேதி போகன் படத்தை வெளியிட முடிவு செய்திருக்கின்றனர். தற்போது, அரவிந்த்சாமிக்கான பாடலை ரஷ்யா நாட்டை சார்ந்த ஐம்பது நடன கலைஞர்கள் கொண்டு நடனம் அமைத்து வருகின்றனர். நடன இயக்குனர் ஷெரிப் இதை படமாக்கி வருகிறார்.

இதுப்பற்றி இயக்குநர் லக்ஷ்மன் கூறியிருப்பதாவது... "நாங்கள் தற்போது அரவிந்த் சுவாமி பாடியிருக்கும் போகன் படத்தின் இறுதி பாடலை படமாக்கி கொண்டிருக்கிறோம். இந்த பாடலை முழுக்க முழுக்க அரவிந்த் சுவாமிக்காக உருவாக்கி வருகிறோம். நிச்சயமாக இந்த பாடல் அவரை ஆஜானுபாகுவான ஆணழகனாக பிரதிபலிக்கும். நடன இயக்குனர் ஷெரிப்பிற்கு இது நூறுவது பாடல். "உங்களில் யார் அடுத்த பிரபுதேவா நிகழ்ச்சியின் மூலம் திரையுலகிற்கு வந்த அவர், தற்போது தன்னுடைய நூறாவது பாடலை பிரபுதேவாவின் தயாரிப்பிலேயே உருவாகும் படத்தில் நிறைவு செய்திருப்பது மகிழ்ச்சியாக இருக்கின்றது. ஒரு சில தினங்களில் நாங்கள் எங்கள் படத்தின் டீசரை வெளியிட இருக்கிறோம்.

இன்னும் மூன்று தினங்களில் நாங்கள் இந்த பாடலின் படப்பிடிப்பை முடித்துவிட்டு, ஒரு சில மெருகேற்றும் பணிகளோடு எங்கள் போகன் படத்தின் படப்பிடிப்பை முழுவதுமாக நிறைவு செய்ய இருக்கிறோம். கிறிஸ்துமஸ் பண்டிகையையொட்டி, நாங்கள் எங்களின் போகன் படத்தை வருகின்ற டிசம்பர் 23 ஆம் தேதி வெளியிட முடிவு செய்திருக்கிறோம்" என்று உற்சாகமாக கூறுகிறார் போகன் படத்தின் இயக்குனர் லக்ஷ்மன்.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  ரத்னம் படத்திற்கு கட்டப்பஞ்சாயத்து : விஷால் வேதனை
• 
  நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி
• 
  துருவ் விக்ரமிடம் பேச்சுவார்த்தையை தொடங்கிய சுதா
• 
  ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது
• 
  நடிகர் மன்சூர் அலிகான் காங்கிரஸ் கட்சியில் இணைகிறார்