Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

தியேட்டர் கட்டணம் உயரும் அபாயம் ?

25 அக், 2016 - 15:13 IST
எழுத்தின் அளவு:
Theatre-ticket-may-increase

தமிழ்நாட்டில் பலருக்கு வேலை வாய்ப்பு கொடுக்கும் ஒரு துறையாக சினிமாத் துறை இருந்து வருகிறது. திரைப்படத் தயாரிப்பில் இருந்து தியேட்டர்களில் சைக்கிள் நிறுத்தும் கட்டணம் வரை நேரடியாகவும், மறைமுகமாகவும் ஒரு நாளைக்கு பல கோடி ரூபாய் அளவிற்கு பணம் புழங்கும் ஒரு துறையாக இருக்கிறது.


தமிழ்நாட்டில் மட்டும் சுமார் 1000 தியேட்டர்கள் உள்ளன. இவற்றில் பெரிய மாநகரங்களில் மல்டிபிளக்ஸ் எனப்படும் ஒரே வளாகத்தில் இரண்டுக்கும் மேற்பட்ட தியேட்டர்கள் உள்ளன. அவற்றில் சராசரியாக 120 ரூபாய் கட்டணம் வசூலிக்கப்பட்டு வருகிறது. மற்ற தியேட்டர்களில் குளிர்சாதனத் தியேட்டர்களாக இருந்தால் 50 ரூபாயும், குளிர்சாதன வசதி இல்லையென்றால் 30 ரூபாயும் வசூலிக்கப்படுகிறது. இருந்தாலும் மல்டிபிளக்ஸ் தியேட்டர்கள் தவிர மற்ற தியேட்டர்களில் படங்களுக்கேற்ப 100 ரூபாய் முதல் 500 ரூபாய் வரை கட்டணம் வசூலிக்கப்படுவதாக பல காலமாகவே புகார்கள் உள்ளன.


'கபாலி' படம் வந்த போது 1000 ரூபாய் வரை டிக்கெட்டுகள் விற்கப்பட்டதாக செய்திகள் வெளியாகின. அரசு நிர்ணயித்த கட்டணங்கள் கடந்த பத்து ஆண்டுகளாக உயர்த்தப்படவில்லை என தமிழ்நாடு திரையரங்கு உரிமையாளர்கள் சங்கத்தின் பொதுச் செயலாளர் ஆர்.பன்னீர்செல்வம், சென்னை உயர்நீதிமன்றத்தில் வழக்கு தொடர்ந்திருந்தார். அந்த வழக்கின் மீதான விசாரணையில் மனுதாரரின் கோரிக்கையை பரிசீலித்து அரசு ஒரு மாதத்திற்குள் உத்தரவு பிறப்பிக்க வேண்டும் என்று நீதிமன்றத்தால் உத்தரவிடப்பட்டுள்ளது.


தியேட்டர் உரிமையாளர்கள் கடந்த பத்து ஆண்டுகளாக தங்களது டிக்கெட் கட்டணங்கள் உயர்த்தப்படவில்லை என்கிறார்கள். கேளிக்கை வரி, மின்சாரம், இதர செலவுகள் ஆகியவை அதிகமாகிவிட்டதால் டிக்கெட் கட்டண உயர்வு அவசியம் என்ற கருத்தை வலியுறுத்துகிறார்கள்.


ஏற்கெனவே தியேட்டர்களுக்கு மக்கள் படம் பார்க்க வரவில்லை என்ற கவலை திரைத் துறையினரிடம் அதிகமாக இருக்கிறது. ஒரு படத்தை குடும்பத்துடன் பார்க்கச் சென்றால் நான்கு பேர் கொண்ட குடும்பத்திற்கு டிக்கெட் கட்டணமாக 480 ரூபாயும், ஆட்டோ, கார் என்றால் போக வர 300 ரூபாயும், இடைவேளையில் அநியாய விலைக்கு விற்கப்படும் உணவுப் பண்டங்களை வாங்கினால் 300 ரூபாயும் என 1000 ரூபாய் வரை ஆகிறது என நடுத்தரக் குடும்பத்தினர் புலம்புகிறார்கள்.


Advertisement
கருத்துகள் (0) கருத்தைப் பதிவு செய்ய
மறக்க முடியுமா? - வெயில்மறக்க முடியுமா? - வெயில் மகளையே கேவலப்படுத்துறாங்க : சின்மயி மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in