டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தனுஷ் நடித்த மாரி படம் வசூல் ரீதியில் மிகப்பெரிய வெற்றியடைந்த அளவுக்கு, அவரது நடிப்பில் அடுத்து வெளிவந்த தங்கமகன், தொடரி படங்கள் வெற்றியடையவில்லை. விமர்சன ரீதியாக தனுஷின் அந்த இரு படங்கள் சற்று பின்னடைவைச் சந்தித்தாலும், கொடி படத்தின் மூலம் தனது மார்க்கெட் மீண்டும் உச்சத்தைத் தொடும் என்பதில் நம்பிக்கையோடு இருக்கிறார் தனுஷ். அதனால்தான் எத்தனை படங்கள் வெளிவந்தாலும் கொடி படத்தை இந்த தீபாவளிக்கு ரிலீஸ் பண்ண வேண்டும் என்று தயாரிப்பாளர் எஸ்கேப் மதனிடம் நம்பிக்கையுடன் சொன்னாராம் தனுஷ்.
சிவகார்த்திகேயனை வைத்து தனுஷ் தயாரிப்பில் எதிர்நீச்சல், காக்கி சட்டை படங்களைத் இயக்கிய ஆர்.எஸ்.துரை செந்தில்குமார் இயக்கத்தில் உருவாகி வரும் கொடி படத்தில் தனுஷுக்கு இரட்டை வேடம். முதல்முறையாக அவர் இரட்டை வேடத்தில் நடித்திருப்பதால் தனுஷ் ரசிகர்கள் கொடி படத்திற்காக ஆவலுடன் காத்துக் கொண்டிருக்கிறார்கள். த்ரிஷா, அனுபமா பரமேஸ்வரன் கதாநாயகிகளாக நடிக்கும் இப்படத்திற்கு சந்தோஷ் நாராயணன் இசையமைத்துள்ளார். பாடல்கள் ஏற்கனவெ வெளியாகி ஹிட்டாகி உள்ளன.
இதனிடையே கொடி படத்தை நேற்று தணிக்கைக்கு அனுப்பினார்கள். படத்தைப் பார்த்த தணிக்கைக்குழுவினர் குடும்பத்துடன் அனைவரும் பார்க்க தகுதியான படம் என்று அதாவது யு சான்றிதழ் வழங்கியுள்ளது. தீபாவளிக்கு திரைக்கு வர உள்ள கொடி படம் தமிழகத்தில் மட்டும் 450க்கும் அதிகமான திரையரங்குகளில் ரீலீஸாகிறது.