இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
ஹிந்தி திரையுலகில் தற்போது வரை முன்னணியில் இருக்கும் நடிகர்களில் அக்ஷய் குமாரும் ஒருவர். சில மாதங்களுக்கு முன் அக்ஷய் நடிப்பில் வெளியாகி வசூலை குவித்த படம் ‛ருஸ்டம்'. இதைத்தொடர்ந்து அக்ஷய் கைவசம் நிறைய படங்களை வைத்துள்ளார். தற்போது அக்ஷய் இயக்குநர் ஷங்கர் இயக்கத்தில் சூப்பர் ஸ்டார் ரஜினிகாந்துடன் இணைந்து எந்திரன் படத்தின் இரண்டாம் பாகமான 2.0 படத்தில் நடித்து வருகிறார். சில தினங்களுக்கு முன் நடிகர் அக்ஷய், இயக்குநர் ஓமங் குமார் இயக்கத்தில் ‛பைவ்' படத்தில் நடிப்பதாகவும், 2018 ஆண்டு ஜனவரி 26ஆம் தேதி படம் வெளியாகும் என்றும் செய்திகள் வந்தன. ஆனால் தற்போது ‛பைவ்' படத்தில் அக்ஷய் நடிக்கவில்லை என்று செய்திகள் வெளியாகியுள்ளன.
இயக்குநர் ஓமங் குமார், அக்ஷயிடம் ‛பைவ்' படத்தில் நடிக்க கேட்டதும், அக்ஷய் நடிக்க ஒப்புக் கொண்டதும் உண்மை தானாம். ஆனால் அக்ஷ்ய் நிறைய படங்களில் நடிக்க ஒப்புக் கொண்டதால் இப்படத்தில் அவரால் நடிக்க முடியவில்லை என்று கூறப்படுகிறது. அக்ஷய், தற்போது ஜாலி எல்.எல்.பி -2 படத்தில் பிஸியாக நடித்து வருகிறார். இதையடுத்து இயக்குநர் நீரஜ் பாண்டே இயக்கத்தில் அடுத்து அடுத்து இரண்டு படங்களிலும், அதன்பின் இயக்குநர் பிரியதர்ஷன் இயக்கத்தில் ஒருபடமும் நடிக்க உள்ளார். ஆக இந்தவருடம் முழுவதும் அக்ஷ்ய் பிஸியாக இருப்பதால் தான் ‛பைவ்' படத்தில் நடிக்கவில்லை என தெரிகிறது.