ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
பாலிவுட் நடிகை மனீஷா கொய்ராலா. தமிழில் மணிரத்னம் இயக்கிய பம்பாய், ஷங்கர் இயக்கிய இந்தியன், முதல்வன். ஆளவந்தான், பாபா, மும்பை எக்ஸ்பிரஸ் படங்களில் நடித்தார். அதன் பிறகு நீண்ட இடைவெளிக்கு பிறகு மாப்பிள்ளை படத்தில் நடித்தார். கடைசியாக ஒரு மெல்லிய கோடு படத்தில் நடித்தார். இந்தி மற்றும் நேபாள மொழியில் 100 படங்களுக்கு மேல் நடித்துள்ளார்.
மனீஷா கொய்ராலா நேபாளத்தைச் சேர்ந்தவர். அங்குள்ள தொழில் அதிபர் சாம்ராட் தகால் என்பவரை 2010ம் ஆண்டு திருமணம் செய்தார். இரண்டு ஆண்டு வாழ்க்கைக்கு பிறகு 2012ல் அவரை விவாகரத்து செய்து விட்டார். இதற்கிடையில் மனீஷாவை புற்று நோய் தாக்கியது. இதில் தன் ஆழகையும், தலைமுடியையும் இழந்த மனீஷா கடுமையான போராட்டத்துக்கு பிறகு புற்றுநோய் பிடியிலிருந்து மீண்டு. மீண்டும் நடிக்க ஆரம்பித்தார்.
மனீஷாவின் பெற்றோரும் உறவினர்களும் நேபாளத்தில் வசிக்கிறார்கள். மனீஷா மும்பையில் அப்பார்ட்மெண்ட் ஒன்றில் தனியாக வசிக்கிறார். இந்தி படங்களில் ஹீரோயினாக இல்லாவிட்டாலும் குணசித்ர வேடங்களில் நடித்து வருகிறார். இந்த நிலையில் தனக்கு தனிமையில் வசிப்பதால் மன அழுத்தம் ஏற்படுவதாகவும், தன்னை கவனித்துக் கொள்ள யாரும் இல்லை என்று வேதனையுடன் கூறியிருக்கிறார்.
இது தொடர்பாக அவர் அளித்த பேட்டியில்... "எனது தனிமையை போக்க அடுத்த ஆண்டு ஒரு குழந்தையை தத்தெடுத்து வளர்க்கப்போகிறேன். மேலும் 2வது திருமணத்திற்கும் தயாராகிவிட்டேன். என் மீது அன்பு செலுத்தும் ஒரு கணவரை தேடிக் கொண்டிருக்கிறேன். விரைவில் திருமணம் செய்து கொள்ள இருக்கிறேன்" என்று கூறியிருக்கிறார் மனீஷா கொய்ராலா.