டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தமிழ் சினிமாவின் சூப்பர் ஸ்டாரான ரஜினிகாந்த் நடிப்பில் வெளியான படங்களில் முக்கியமானது பாட்ஷா. தனக்கு பிடித்த படங்களில் பாட்ஷாவிற்கு எப்போதுமே தனி இடம் கொடுத்துள்ளார் ரஜினி. சுரேஷ் கிருஷ்ணா இயக்கத்தில், ரஜினி, நக்மா, ரகுவரன், விஜயகுமார், யுவராணி, ஜனகராஜ் உள்ளிட்ட பலர் நடித்து வெளியான இப்படம் சூப்பர், டூப்பர் ஹிட்டானது. சத்யா மூவி மேக்கர்ஸ் சார்பில் ஆர்.எம்.வீரப்பன் தயாரித்திருந்தார். தேவா இசையமைத்திருந்தார்.
ரஜினி, மும்பை தாதாவாகவும், ஆட்டோ டிரைவராகவும் இரண்டு வித்தியாசமான கேரக்டரில் அருமையாக நடித்திருந்தார். அதிலும் மும்பை டான் கேரக்டர் பற்றி சொல்லவே வேண்டாம். ரஜினியால் இப்படியெல்லாம் கூட நடிக்க முடியுமா என்று அனைவரையும் ஆச்சர்யத்தில் ஆழ்த்திய கேரக்டர் அது. அதிலும் அந்தப்படத்தில் அவர் சொல்லும் ‛‛ஒரு தடவ சொன்னா 100 தடவ சொன்ன மாதிரி டயலாக், ரஜினியின் எவர்கிரீன் டயலாக்குகளில் முக்கியமானது. பாட்ஷா படத்தில் ரஜினிக்கு எந்தளவுக்கு ஒரு பெயர் கிடைத்ததோ, அதேப்போன்று இப்படத்தில் பேசப்பட்ட மற்றுமொரு நடிகர் ரகுவரன். ஆண்டனி, மார்க் ஆண்டனி என்று பேசியபடி இவர் பண்ணிய வில்லத்தனம், ரசிகர்களை வெகுவாக கவர்ந்தது.
சமீபகாலமாக சிவாஜி, எம்.ஜி.ஆர்., நடித்த பழைய படங்கள் டிஜிட்டலில் மாற்றப்பட்டு மீண்டும் ரீ-லீசாகி வரும் நிலையில், ரஜினி நடித்த பாட்ஷா படமும் டிஜிட்டலுக்கு மாற்றி வெளியிடப்போவதாக அறிவிக்கப்பட்டுள்ளது. இதுப்பற்றி தயாரிப்பாளர் டிஜி தியாகராஜன் கூறுகையில், ‛‛பாட்ஷா படத்தை டிஜிட்டலில் வெளியிடும் முயற்சியில் இறங்கியுள்ளோம். அதற்கான பணிகள் துவங்கி உள்ளது என்று கூறியுள்ளார்.
பாட்ஷா படம் டிஜிட்டலில் வெளியிட இருப்பது ரஜினி ரசிகர்களை மிகவும் மகிழ்ச்சியில் ஆழ்த்தி இருக்கிறது.