இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
இசை அமைப்பாளர் ஜிப்ரான் 'சென்னை டூ சிங்கப்பூர்' என்ற படத்திற்கு இசை அமைத்துள்ளார். இந்தப் படத்தில் 6 பாடல்கள் இடம் பெற்றுள்ளது. 6 பாடல்களையும் 6 நாடுகளில் வெளியிட்டு சாதனை படைக்க நினைத்தார். அதுவும் 6 நாடுகளுக்கும் காரிலேயே பயணம் செய்து இந்த சாதனையை நிகழ்த்துகிறார். வருகிற ஆகஸ்ட் 12ந் தேதி சென்னையில் ஒரு பாடலை வெளியிட்டுவிட்டு ஜிப்பரான் மற்றும் படத்தின் இயக்குனர் அப்பாஸ் அக்பர், படத்தில் நடித்துள்ள கோகுல் ஆனந்த், அஞ்சு குரியன் ஆகியோர் மூன்று கார்களில் புறப்படுகிறார்கள்.
சென்னையிலிருந்து பூட்டான், மியான்மர், தாய்லாந்து, மலேசியா வழியாக சிங்கப்பூர் செல்கிறார்கள். போகும் வழியில் இந்த நாடுகளில் பாடல்களை வெளியிடுகிறார்கள்.
இந்தப் பயணம் பற்றி ஜிப்ரான் கூறியதாவது: சென்னையில் இருந்து சிங்கப்பூருக்கு வான் வழியாகத் தான் செல்ல வேண்டும் என்று பலரும் கருதி வருகின்றனர். ஆனால் இனி சாலை வழியாகவும் போகலாம் என்பதை அவர்கள் தெரிந்து கொள்வார்கள். 20 நாள் பயணம்.
'சென்னை டு சிங்கப்பூர்' திரைப்படம் எனக்கு ரொம்பவே ஸ்பெஷல். கதைக்களம் புதிது, இயக்குனர் புதுமுகம், முன்னணி கதாப்பாத்திரங்கள் புதுமுகம், என இருக்கும் சென்னை டு சிங்கப்பூர் படத்தின் இசை வெளியீடும் புதுமையாக தான் இருக்க வேண்டும் என கருதி, நாங்கள் இந்த முயற்சியில் இறங்கி இருக்கிறோம். நிச்சயம் எங்களின் இந்த இசை பயணம் ரசிகர்களின் பாராட்டுகளை பெறும் என்ற நம்பிக்கை இருக்கிறது. என்கிறார் இசையமைப்பாளர் ஜிப்ரான்.