Dinamalar

‛என்றும் உதிராப்பூ மகேந்திரன்...' - பிறந்தநாள் ஸ்பெஷல்!

தமிழ் சினிமாவின் தலைசிறந்த திரைக்கதை ஆசிரியர், இயக்குநர் என்று பெயர் எடுத்தவர் இயக்குநர் மகேந்திரன். இவர் இயக்கிய படங்கள் சில தான்.... ஆனால் ஒவ்வொன்றும் புதுரகம். கமர்ஷியல் இயக்குநர்களுக்கு மத்தியில் உணர்வுப்பூர்வமான படங்களை கொடுத்து மக்கள் மனதில் இடம்பிடித்த இயக்குநர் மகேந்திரனுக்கு இன்று(ஜூலை 25ம் தேதி) 76வது பிறந்தநாள். பிறந்தநாளையொட்டி அவரைப் பற்றிய தொகுப்பு இதோ....

மகேந்திரனின் இயற்பெயர் ஜெ.அலெக்ஸாண்டர். ராமநாதபுரம் மாவட்டம், இளையாங்குடியில் பிறந்த இவர். மதுரை மற்றும் காரைக்குடியில் பள்ளி, கல்லூரி படிப்பை முடித்தார். சினிமா மீது கொண்ட ஆர்வத்தால் சினிமாவிற்கு வந்தவர், ஆரம்பகாலத்தில் சினிமா கதாசிரியராகவும், திரைக்கதை ஆசிரியராகவும், வசனகர்த்தவாகவும் இருந்தார்.

எம்.ஜி.ஆர்., சிவாஜி, கமல், ரஜினி உள்ளிட்ட பலரின் படங்களுக்கு கதை, வசனம் எழுதியிருக்கிறார். உதிரிப்பூக்கள், நெஞ்சத்தை கிள்ளாதே, ஜானி, மெட்டி உள்ளிட்ட பல படங்களை இயக்கியிருக்கிறார்.

இவர் இயக்கிய முதல் படமான முள்ளும் மலரும் படம் ரஜினியை ஒரு புதிய பாதைக்கு கொண்டு சென்றது என்றால் மிகையல்ல. ரஜினியின் சிறந்த 10 படங்களில் மகேந்திரனின் முள்ளும் மலருக்கும் எப்போதும் இடம் உண்டு. ரஜினிக்கு மிகவும் பிடித்த இயக்குநர்களில் மகேந்திரனும் ஒருவர்.

எம்.ஜி.ஆரை கதாநாயகனாக வைத்து பொன்னியின் செல்வன் நாவலை திரைப்படமாக்க திரைகதை, வசனம் போன்றவற்றை எழுதிவைத்தார். ஆனால் பல்வேறு காரணங்களால் இதனை திரைப்படமாக்க முடியாமல் போனது.

மகேந்திரன் இயக்கிய அனைத்து படங்களுக்கும் இளையராஜா தான் இசையமைத்துள்ளார்.

மகேந்திரனின் நெருங்கிய நண்பர் நடிகர் கமல்ஹாசன். மகேந்திரனின் முதல்படமான ‛முள்ளும் மலரும்' படத்தில் அவர் எதிர்பார்த்த ஒளிப்பதிவாளர் யாரும் கிடைக்காத சூழலில் பாலுமகேந்திராவை மகேந்திரனிடம் அறிமுகம் செய்து வைத்தவர் கமல் தான்.

கமலின் படங்களுக்கு கதை, வசனம் எழுதியிருந்தாலும் கமலின் ஒரு படத்தை கூட அவர் இயக்கவில்லை. சமீபத்தில் நடிகர் விஜய்யின் தெறி படத்தில் வில்லனாக நடித்து மிரட்டினார்.

பிறந்தநாளில் இயக்குநர் மகேந்திரனை வாழ்த்துவோம்! வாசகர்களாகிய நீங்களும் தங்கள் பிறந்தநாளை வாழ்த்தை இங்கு பதிவு செய்யலாம்.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  ரத்னம் படத்திற்கு கட்டப்பஞ்சாயத்து : விஷால் வேதனை
• 
  நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி
• 
  துருவ் விக்ரமிடம் பேச்சுவார்த்தையை தொடங்கிய சுதா
• 
  ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது
• 
  நடிகர் மன்சூர் அலிகான் காங்கிரஸ் கட்சியில் இணைகிறார்