இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! | 'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு |
சூப்பர்ஸ்டார் ரஜினி நடித்த 'கபாலி' படம் ரிலீசாவதற்கு முன்னும், ரிலீஸான பின்னும் படைத்துவரும் சாதனைகளுக்கு என்றே தனி புத்தகம் போடலாம். அந்த அளவுக்கு பக்கத்து மாநிலம், பக்கத்து நாடு என எல்லா ஏரியாக்களிலும் விதவிதமான வகைகளில் சாதனைகளை படித்து வருகிறது. அந்தவகையில் கேரளாவில் மட்டும் வெள்ளிக்கிழமை 306 தியேட்டர்களில் ரிலீஸான கபாலி, அதற்கு முன்பு 220 தியேட்டர்களில் ரிலீஸான விக்ரம் நடித்த ஐ' பட ரிலீஸ் சாதனையை முறியடித்தது. இப்போது எதிர்பார்க்கப்பட்ட மாதிரியே வசூலிலும் விக்ரமின் 'ஐ' பட சாதனையை முறியடித்துள்ளது 'கபாலி'.
கேரளாவில் மலையாள சினிமாக்களை பொறுத்தவரை சூப்பர்ஸ்டார் மோகன்லாலின் படம் தான் இதுநாள்வரை முதல்நாள் வசூலில் முன்னணியில் இருக்கிறது.. ஆனால் அந்த சாதனையை விஜய், விக்ரம் போன்றவர்களின் தமிழ்ப்படங்கள் எளிதாக முறியடித்து வந்தன.. கடந்த வருடம் விக்ரம் நடித்த 'ஐ' படம் முதல் நாள் வசூலாக 3.19 கோடி ரூபாய் வசூலித்து இதுநாள் வரை முதலிடத்தை பிடித்திருந்தது. இப்போது கபாலியின் முதல் நாள் வசூல் அதைவிட ஒரு கோடி ரூபாய் அதிகரித்து அதாவது 4.2 கோடி ரூபாய் வசூலாகியுள்ளது. இனி வரும் நாட்களில் 'கபாலி'யின் சாதனையை முறியடிக்க, இன்னொரு ரஜினி படம் வந்தால் தான் ஆச்சு என கேரளா விநியோகஸ்தர்களே பேசிக்கொள்கிறார்கள்.