இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
'பிரம்மோற்சவம்' படத்தின் மாபெரும் தோல்வியால் பல கோடிகளை நஷ்டமடைந்த பிவிபி சினிமா நிறுவனம் திரைப்படத் தயாரிப்புத் தொழிலை விட்டு விலகப் போவதாக சில நாட்களாக செய்திகள் வெளிவந்து கொண்டிருந்தன. ஆனால், அவர்கள் படத் தயாரிப்பை விட்டு விலகப் போவதில்லை என நிறுவனத்திற்கு நெருக்கமான ஒருவர் தகவலை வெளியிட்டுள்ளார்.
'பிரம்மோற்சவம்' படத் தோல்வி யோசிக்க வைத்தது உண்மைதான். அதே சமயம் இனி இயக்குனர்கள் விஷயத்தில் மிகவும் கவனமாக இருக்கப் போவதாகவும் அவர் தெரிவித்துள்ளார். தற்போது ஹிந்தி, தெலுங்கில் ராணா நடிக்க 'காஸி' திரைப்படத்தை தயாரித்து வருகிறார்கள். அடுத்து 'பெங்களூர் டேய்ஸ்' படத்தின் தெலுங்கு ரீமேக்கைத் தயாரிக்க உள்ளார்களாம். அது மட்டுமல்லாமல் அடுத்த ஆறு மாதங்களுக்குள் மேலும் 9 படங்களைத் தயாரிக்கவும் திட்டமிட்டுள்ளார்களாம்.
திரைப்படத் தயாரிப்பில் அதிக ஈடுபாடு கொண்டவர் பிவிபி சினிமா நிறுவனத் தலைவரான பிரசாத் வி பொட்லூரி. திரைப்படத் தொழிலை கார்ப்பரேட் போல மாற்ற வேண்டும் என்ற முயற்சிகளை மேற்கொண்டுள்ளார். அதற்கான பாதைகளையும் அவர் வகுத்துள்ளார். எனவே, தயாரிப்புத் தொழிலை விட்டு விலகப் போவதாக வந்த செய்திகளில் எதுவும் உண்மையில்லை என நிறுவனத்திற்கு நெருக்கமான அந்த நபர் மேலும் தெரிவித்துள்ளார்.
திரைப்படத் தொழிலுக்கு தனி ஈடுபாட்டுடன் வருபவர்களை இயக்குனர்கள் நேர்மையாகக் கையாண்டால் நன்றாக இருக்கும் என டோலிவுட்டின் மூத்த இயக்குனர்கள் பேசி வருகிறார்களாம்.