தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
சூர்யா தயாரித்து நடிக்கும் '24' படம் நாளை உலகம் முழுக்க வெளியாகவிருக்கிறது. இதுவரை சூர்யா நடித்த படங்களிலேயே அதிக பொருட்செலவில் உருவாகியுள்ள படம் என்ற விளம்பரத்தோடு வெளியாகும் '24' படம், சூர்யா நடித்து வெளியான முந்தைய படங்களை விட இன்னொரு வகையிலும் சாதனை படைத்துள்ளது. அதிக எண்ணிக்கையிலான தியேட்டர்களில் 24 படம் வெளியாக இருக்கிறது என்பதுதான் அந்த சாதனை.
உலகம் முழுக்க 1500 தியேட்டர்களில் வெளியாக இருப்பதாக முதலில் சொல்லப்பட்டது. இடையில் என்ன மாயம் நடந்ததோ தெரியவில்லை. தற்போது 2200 தியேட்டர்களுக்கும் மேல் வெளியாகவிருக்கிறது என்று சொல்கிறது தயாரிப்பு தரப்பு. அவற்றில் கேரளாவில் மட்டும் 200 தியேட்டர்களுக்கும் மேல் '24' படம் வெளியாகவிருக்கிறது என்ற தகவல் வெளியாகியுள்ளது. கேரளாவின் பிரபல விநியோக நிறுவனமான சோபானம் ஃபிலிம்ஸ்தான் '24' படத்தின் விநியோக உரிமையைவாங்கியுள்ளது.
தமிழகத்திற்கு அடுத்த படியாக ஆந்திரா, கேரளா மாநிலங்களிலும் சூர்யாவுக்கு பெரிய அளவில் ரசிகர்கள் இருக்கிறார்களாம். அதனால்தான் சூர்யா நடிக்கும் படங்கள் வெளியாகும் தியேட்டர்களின் எண்ணிக்கையும் படத்திற்கு படம் அதிகரித்துக் கொண்டே போகிறது என்கிறார்கள்.
இது உண்மையா? கேரள, ஆந்திர மக்கள்தான் சொல்ல வேண்டும்.