'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
கபாலி படத்தில் சூப்பர்ஸ்டார் ரஜினியை நடிக்கப்போகிறார் என்ற அறிவிப்பு வந்ததுமே அப்படத்தின் மீது எதிர்பார்ப்பு எக்கச்சக்கமாக எகிறியது. அதோடு இப்படத்தில் அவர் இன்டர்நேஷனல் டானாக நடிக்கிறார் என்ற செய்திகள் வெளியாக ஆரம்பித்ததும், 'கபாலி' படத்தின் மீதான எதிர்பார்ப்பு பன்மடங்காக அதிகரித்தது. ரஜினி ஏற்கனவே டானாக நடித்த பாட்ஷா படம்தான் இதுவரை ரஜினி படங்களிலேயே உச்சமாக கருதப்பட்டு வருகிறது.
கபாலி படத்தைப்பற்றி வெளிவரும் செய்திகள், பாட்ஷா படத்தை கபாலி மிஞ்சக்கூடும் என்ற கணிப்பை ஏற்படுத்தி வருகிறது. கபாலி படப்பிடிப்பு முடிவடைந்து, போஸ்ட் புரொடக்ஷன் பணிகள் பரபரப்பாக நடைபெற்று வருகின்றன. இந்நிலையில் 'கபாலி' படத்தின் டீஸர் மே 1 ஆம்தேதி காலை 11 மணியளவில் யு டியூப்பில் வெளியிடப்பட்டது. ரஜினியின் பன்ச் வசனங்களுடன் உருவாகியுள்ள இந்த டீஸருக்கு ரசிகர்கள் மத்தியில் மிகப்பெரிய வரவேற்பு கிடைத்திருக்கிறது.
கபாலி டீஸர் வெளியாகி 24 மணி நேரத்திற்குள்ளாகவே 50 லட்சம் பேர் அதை பார்த்து ரசித்தனர். இந்திய அளவில் இது ஒரு புதிய சாதனை. அதோடு 2 லட்சத்திற்கும் மேற்பட்டோர் கபாலி டீஸரை 'லைக்'கும் செய்துள்ளார்கள். இதுவும் ஒரு புதிய சாதனைதான். இவை எல்லாம் ஒரு நாள் சாதனை என்றால், இரண்டாவது நாளிலம் சாதனைகள் தொடர்கின்றன.
48 மணி நேரத்திற்குள் 80, 32,443 பேர் கபாலி டீஸரை பார்த்துள்ளனர். 2,84,863 லைக் செய்துள்ளதோடு, கலைப்புலி தாணுவின் யுயூப் பக்கத்தை 1,03,287 பேர் சப்ஸ்கிரைப் செய்துள்ளனர். கபாலி டீஸர் வெளியாவதற்கு முன் இந்தப் பக்கத்தை 20 ஆயிரத்துக்கும் குறைவானவர்களே சப்ஸ்கிரைப் செய்திருந்தனர். கபாலி டீஸரைப் பார்த்துவிட்டு 14,994 கமெண்ட் செய்துள்ளனர். இதுவரை, யு ட்யூப்பில் வெளிவந்துள்ள ஒட்டுமொத்த இந்திய சினிமா படங்களின் டீஸர்/டிரைலர் சாதனைகளை 'கபாலி' முறியடித்துள்ளது.