ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
தெறி வெற்றிப்படம் தந்த கலைப்புலி தாணு தயாரிப்பில் உருவாகியிருக்கும் 'கபாலி' படத்தில் ரஜினி இன்டர்நேஷனல் டானாக நடித்திருக்கிறார். அதனாலோ என்னவோ பாட்ஷா படத்தைப் போலவே கபாலி படத்துக்கும் ரசிகர்கள் மத்தியில் எதிர்பார்ப்பு எக்கச்சக்கமாக எகிறிக் கிடக்கிறது. உழைப்பாளர் தினமான மே 1 ஆம் தேதி கபாலி டீஸர் வெளிவரும் என சில நாட்களுக்கு முன்பே அறிவிக்கப்பட்ட நிலையில், ரஜினி ரசிகர்கள் எதிர்பார்ப்பின் உச்சத்தில் இருக்கிறார்கள்.
கடந்த சில வருடங்களாக டீசர், டிரெய்லரை நள்ளிரவில் வெளியிடுவது வாடிக்கையாக இருக்கிறது. தன்னுடைய ரசிகன் காத்துக்கிடக்கட்டுமே என்ற அலட்சியம்தான் இப்படியொரு நேரத்தில் டீசர், டிரெய்லரை வெளியிடுவதற்கு அடிப்படையான காரணம். கபாலி டீசரையும் இரவு 12 மணிக்கு வெளியிடலாமா என ஆலோசித்தாராம் இயக்குநர் பா.ரஞ்சித். இதற்கு ரஜினி ஒப்புக்கொள்ளவில்லையாம். பகல் நேரத்தில்தான் வெளியிட வேண்டும் என்று சொல்லிவிட்டாராம்.
அதன் பிறகே கபாலி டீசரை காலை 11 மணியளவில் தன்னுடைய யு டியூப் சேனலில் வெளியிட முடிவு செய்தாரம் தாணு. இதனால் ஒட்டுமொத்த தமிழ் சினிமா ரசிகர்களும் மே முதல் தேதி காலை11 மணிக்காக இப்போதே தவம் கிடக்கத் தொடங்கியிருக்கிறார்கள். ரஜினியின் புண்ணியத்தில் 'கபாலி'யை காலையிலேயே காணவிருப்பதால் கூடுதல் உற்சாகத்திலிருக்கிறார்கள் ரஜினி ரசிகர்கள்.