ஹிந்திக்குப் போகும் விசாரணை

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

ஹிந்திக்குப் போகும் 'விசாரணை'

10 பிப், 2016 - 13:55 IST

எழுத்தின் அளவு:

தனுஷ் தயாரிப்பில் வெற்றி மாறன் இயக்கத்தில் 'அட்டகத்தி' தினேஷ், 'ஆடுகளம்' முருகதாஸ், 'கயல்' ஆனந்தி மற்றும் பலர் நடிப்பில் கடந்த வாரம் வெளிவந்த படம் 'விசாரணை'. ஆந்திர காவல் துறையினரால் கொடுமைப்படுத்தப்பட்ட மூன்று பேர், தமிழ்நாடு காவல் துறைஉதவியால் இங்கு அழைத்து வரப்படுகிறார்கள். வந்த இடத்திலும் காப்பாற்றி அழைத்து வந்த தமிழ்நாடு காவல் துறையே அவர்களை எப்படி பலி வாங்குகிறது என்பதுதான் இந்தப் படத்தின் கதை.

இந்தப் படத்தை திரையுலகத்தைச் சேர்ந்த பலரும் பார்த்துப் பாராட்டி வருகிறார்கள். ஏற்கெனவே ரஜினிகாந்த், கமல்ஹாசன், மணிரத்னம் உள்ளிட்ட பலர் பாராட்டினார்கள். இந்தப் படத்தை சமீபத்தில் பார்த்த இயக்குனர் பிரியதர்ஷன் இயக்குனர் வெற்றிமாறனை வெகுவாகப் பாராட்டினாராம். அதோடு உடனேயே படத்தின் ஹிந்தி ரீமேக் உரிமையையும் வாங்கி விட்டாராம். ஹிந்தியில் அவருடைய நண்பரான நடிகர் அக்ஷய் குமாருடன் இணைந்து இந்தப் படத்தை இயக்கவும் திட்டமிடுள்ளாராம். இந்தப் படம் பாலிவுட்டிலும் நாளை திரையிட்டுக் காட்டப்படுகிறது.

தமிழைப் போலவே ஹிந்தியிலும் இந்தப் படத்தை வெற்றி பெற வைக்க முடியும் என்று இயக்குனர் பிரியதர்ஷன் உறுதியாக நம்புகிறாராம். ஏற்கெனவே, தென்னிந்திய மொழிப் படங்கள் பலவற்றை ஹிந்தியில் ரீமேக் செய்தவர் பிரியதர்ஷன் என்பது குறிப்பிடத்தக்கது.

Visaranai

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய