'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
அச்சமுண்டு அச்சமுண்டு படத்தை இயக்கியவர் அருண் வைத்தியநாதன். இந்த படத்தில் ஜோடி சேர்ந்து நடித்தபோதுதான் பிரசன்னா-சினேகாவுக்கிடையே காதல் மலர்ந்தது. அந்த படத்திற்கு பிறகு தமிழில் கல்யாண சமையல் சாதம், மலையாளத்தில் பெருச்சாழி ஆகிய படங்களை இயக்கிய அருண் வைத்தியநாதன் தற்போது அர்ஜூன் நடிப்பில் நிபுணன் என்ற படத்தை இயக்கி வருகிறார். ஏற்கனவே அவரது முதல் இரண்டு தமிழ்ப்படங்களிலும் நடித்த பிரசன்னா இந்த படத்திலும் முக்கிய வேடத்தில் நடிக்கிறார்.
மேலும், இப்படத்தில் நாயகியாக வரலட்சுமி நடித்து வருகிறார். தாரைத்தப் பட்டை படத்தில் நடித்து வந்தபோதே அவரை இந்த படத்திற்கு புக் பண்ணியிருந்தார் அருண் வைத்தியநாதன். ஆனால் அந்த படம் இப்போது ரிலீசான பிறகு வரலட்சுமிக்கு ஸ்கோர் பண்ணக்கூடிய பல காட்சிகளை எக்ஸ்ட்ராவாக சேர்த்திருக்கிறாராம். அந்த அளவுக்கு தாரைத்தப்பட்டை படத்தில் வரலட்சுமியின் நடிப்பு அவரை வெகுவாக பாதித்து விட்டதாம்.
அதோடு, நிபுணன் பட நாயகனான அர்ஜூனும் வரலட்சுமியின் நடிப்பை பாராட்டியதோடு, அவருக்கு நல்ல அழுத்தமான காட்சிகள் நிறைய கொடுக்கலாம் என்றும் சொன்னாராம், ஆக, நிபுணன் படத்திலும் வரலட்சுமியை வித்தியாசமான நடிகையாக பார்க்கலாம் என்கிறார்கள். அதோடு, இந்த படத்தில் அர்ஜூன் இதுவரையில்லாத ஒரு மாறுபட்ட கெட்டப்பில் தற்போது நடித்துக்கொண்டி ருக்கிறார். அந்த வேடத்தை கடைசி வரை சஸ்பென்சாக வைத்திருக்கவும் திட்டமிட்டுள்ளார்களாம்.