ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
இ - காமர்ஸ் எனப்படும், இணைய வழி வர்த்தக நிறுவனங்களில் ஒன்றான, ஸ்நாப்டீல் பிரபல பாலிவுட் நடிகர் அமீர்கானுடன் மேற்கொண்டிருந்த, விளம்பர தூதர் ஒப்பந்தத்தை புதுப்பிக்க போவதில்லை என, முடிவு செய்துள்ளது.நடிகர் அமீர்கான், ஸ்நாப்டீல் உள்ளிட்ட பல முன்னணி நிறுவனங்களுக்கு, விளம்பர தூதராக செயல்பட்டு வருகிறார்.
இந்தியாவில் சகிப்பின்மை அதிகரித்து வருவதாக, கடந்தாண்டு நவம்பரில், அவர் கருத்து தெரிவித்திருந்தார்; அதற்கு பலத்த எதிர்ப்பு கிளம்பியது. அமீர் கானை விளம்பர தூதராக நியமித்திருந்த, ஸ்நாப்டீல் நிறுவனத்துக்கு, மக்கள் மத்தியில் காணப்பட்ட செல்வாக்கு சரியத் துவங்கியது. இதனால், ஸ்நாப்டீல் விளம்பரங்களில், அமீர் கானின் புகைப்படங்கள் தவிர்க்கப்பட்டன. ஸ்நாப்டீல் நிறுவனம், அமீர் கானுடன் செய்து கொண்ட ஒப்பந்தம், இம்மாத இறுதியில் முடிகிறது. அதன்பின், தன் விளம்பர தூதராக, அமீர்கானை மீண்டும் நியமிக்க போவதில்லை என, அந்நிறுவனம் முடிவு செய்துள்ளதாக, தகவல்கள் கூறுகின்றன.
மத்திய சுற்றுலா துறையின், வியத்தகு இந்தியா பிரசார விளம்பர துாதராக செயல்பட்ட அமீர் கானின் ஒப்பந்த காலம், கடந்த மாதத்துடன் முடிந்தது. ஒப்பந்தத்தை புதுப்பிக்க விரும்பாத சுற்றுலாத்துறை, பாலிவுட் நடிகர் அமிதாப் பச்சன், நடிகை பிரியங்கா சோப்ரா ஆகியோரை, புதிய விளம்பர தூதர்களாக நியமித்தது குறிப்பிடத்தக்கது.