இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
கடந்த வாரம் வெள்ளிக்கிழமை அன்று வெளியான படம் ராணி ருத்ரமா தேவி. ஆந்திரா, தெலுங்கானா மற்றும் சில வெளிநாடுகளிலும் இப்படம் வெளியாகி வெற்றிகரமாக ஓடிக்கொண்டிருக்கிறது. உலகம் முழுவதும் 2500 தியேட்டர்களில் வெளியான இப்படம் திரைக்கு வந்த முதல் நாளிலேயே 20 கோடி வரை வசூலித்து சில வசூல் மன்னர்களான ஆந்திர ஹீரோக்களை அதிர்ச்சியடைய செய்தது.
மேலும், பெரிதாக எதிர்பார்க்கப்பட்ட இப்படத்திற்கு ஆரம்பத்தில் சில தினங்கள் எதிர்பார்த்த ஓப்பனிங் கிடைக்காத நிலையில், தற்போது பாகுபலிக்கு இணையான வசூலை குவித்துக்கொண்டிருக்கிறதாம். அதோடு ராணி ருத்ரமா தேவி படத்தைப்பார்த்த திரையுலக பிரபலங்களும் அப்படத்தை மனம் போல் பாராட்டி வருகின்றனர். அதனால் வருகிற 16-ந்தேதி தமிழகத்தில் ரிலீசாகும் அப்படத்துக்கு நல்லதொரு ஓப்பனிங் இருக்கும் என்று எதிர்பார்க்கிறார்கள்.
அதோடு, இதுவரை அனுஷ்கா நடித்த படங்களுக்கு வெளிநாடுகளில் கிடைக்காத வரவேற்பு இந்த படத்திற்கும் கிடைத்திருக்கிறாம். குறிப்பாக, அமெரிக்காவில் ஐந்தே நாட்களில் ஐந்து கோடி வரை அப்படம் வசூலித்திருப்பதாக தெரிவிக்கப்பட்டுள்ளது. அதேசமயம், விஜய் நடிப்பில் அமெரிக்காவில் வெளியான புலி படம் பத்து நாட்களில் 1.40 கோடி மட்டுமே வசூலித்தது. இந்த சேதி விஜய் வட்டாரத்தை சற்றே அதிர வைத்துள்ளதாம்.