ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
ஆசியத் திரையுலகத்திலிருந்து ஹாலிவுட் திரையுலகம் வரை புகழ் பெற்ற ஆக்ஷன் ஹீரோவான ஜாக்கி சான் தற்போது 'குங்பு யோகா' என்ற படத்தில் நடித்து வருகிறார். இந்தப் படத்தை ஜாக்கி சானை வைத்து 'தி மித்' படத்தை இயக்கிய ஸ்டான்லி டாங் இயக்கி வருகிறார். இப்படத்தின் படப்பிடிப்பு சில நாட்களுக்கு முன்பு துபாயில் ஆரம்பமானது.
இந்தப் படத்தில் ஒரு முக்கிய கதாபாத்திரத்தில் இந்திய நடிகையான இலியானாவும், முக்கிய வில்லனாக நடிகர் சோனு சூட்டும் நடிக்கிறார்கள். ஸ்டான்லி டாங் இயக்கி 'தி மித்' படத்தில் ஏற்கெனவே ஹிந்தித் திரையுலகின் கிளாமர் குயின் மல்லிகா ஷெராவத் நடித்திருந்தார். அவருக்கடுத்து தற்போது இலியானா ஜாக்கி சான் படத்தில் நடிக்கிறார். இந்தக் கதாபாத்திரத்திற்கு முதலில் காத்ரீனா கைப்பைத்தான் கேட்டிருந்தார்கள். ஆனால், கால்ஷீட் பிரச்சனை காரணமாக காத்ரீனா அந்தப் படத்தில் நடிக்கவில்லை. தற்போது அந்த வாய்ப்பு இலியானாவிற்கு கிடைத்திருக்கிறது.
தமிழில் 'கேடி', விஜய் ஜோடியாக 'நண்பன்' படங்களிலும் தெலுங்கில் பல வெற்றிப் படங்களிலும், ஹிந்தியில் 'பார்ஃபி, மெயின் தேரா ஹீரோ, ஹேப்பி என்டிங்' ஆகிய படங்களில் இலியானா நடித்துள்ளார். ஆனால், ஜாக்கி சான் படத்தில் நடிப்பது பற்றி இதுவரை இலியானா தரப்பில் இருந்து எந்த அதிகாரப்பூர்வத் தகவலும் வெளியிடப்படவில்லை.