தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
அஜித்குமாரின் மச்சினிச்சி ஷாம்லியின் திரைத்துறை மறுபிரவேசத்திற்கு, அஜித் ஆதரவு தெரிவித்துள்ளார்.
மணிரத்னம் இயக்கத்திலான அஞ்சலி படத்தின் குழந்தை நட்சத்திரமாக கோலிவுட்டில் அறிமுகமானவர் ஷாமிலி. இரண்டரை வயதிலேயே தனது தத்ரூப நடிப்பின் மூலம், இன்றளவும் அனைவரது மனதிலும் நீங்கா இடம் பிடித்துள்ளார். அதற்கு பிறகு, 10க்கும் மேற்பட்ட படங்களில், ஷாமிலி நடித்துள்ளார். ஷாமிலி, டோலிவுட்டில், ஓய் படத்தின் மூலம் ஹீரோயினாக அறிமுகமானார். பின் அவர் தொடர்ந்து நடிப்பார் என்று எதிர்பார்க்கப்பட்ட நிலையில், மேற்படிப்பு படிப்பதற்காக, வெளிநாடு சென்றுவிட்டார்.
கிட்டத்தட்ட 5 ஆண்டுகள் கழித்து, படிப்பை முடித்து மீ்ண்டும் ஷாமிலி இந்தியா திரும்பியுள்ளார். படங்களிலும் தொடர்ந்து நடிக்க திட்டமிட்டுள்ளார். அவரது திட்டத்திற்கு கைமேல் பலன் கிடைத்துள்ளது. தனுஷ் முதல்முறையாக இரட்டை வேடங்களில் நடிக்கும் படம் மற்றும் விக்ரம்பிரபுவிற்கு ஜோடி என 2 படங்களில் நடிக்க ஷாமிலி ஒப்பந்தமாகியுள்ளார்.
அக்கா ஷாலினியைப் போன்றே, ஷாமிலியும் குடும்பப்பாங்கான கேரக்டர்களிலேயே நடிக்க திட்டமிட்டுள்ளார். ஷாமிலியின் இந்த முடிவிற்கு அவரது குடும்பத்தினர் மட்டுமின்றி, அஜித்தும் ஆதரவு தெரிவித்துள்ளார்.
அஜித் சிறந்த மோட்டார் பைக் வீரர் மட்டுமல்லாது, சிறந்த புகைப்படக்கலைஞர் என்பது அனைவரும் அறிந்ததே. தல 56 படத்தின் படப்பிடிப்பினிடையே, அப்புக்குட்டி (என்ற) சிவபாலன் மற்றும் நடிகை ஸ்ருதிஹாசனிற்கு போட்டோஷூட் செய்திருந்த அஜித், தற்போது, ஷாமிலிருக்கும் போட்டோ சூட் செய்துள்ளார்.
அஜித்குமார், ஷாலினியை திருமணம் செய்துகொள்வதற்கு, ஷாமிலி உதவி செய்வதற்கு பிரதிபலனாக, பாலிவுட் நடிகர் ஷாரூக் கானை, ஷாமிலி சந்திக்க அஜித் ஏற்பாடு செய்திருந்தது குறிப்பிடத்தக்கது.