ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
'கவலை வேண்டாம்' படத்திலிருந்து கீர்த்தி சுரேஷ் நீக்கப்பட்டதாக கடந்த சில நாட்களுக்கு முன் செய்திகள் வெளிவந்தன. 'யாமிருக்க பயமே' படத்தை இயக்கிய டீகே இயக்கத்தில் ஜீவா, கீர்த்தி சுரேஷ் நடிக்க படத்திற்கான ஃபோட்டோ ஷுட்டும் நடைபெற்றது. அதன் பின் படத்திற்கு சரியான முறையில் கால்ஷீட் தாராததால் கீர்த்தி சுரேஷை நீக்கி விட்டதாக தயாரிப்பாளர் தரப்பிலிருந்து சொல்லப்பட்டது. ஆனால், கீர்த்தி சுரேஷ் கால்ஷீட் தராமல் ஏமாற்றியதற்குக் காரணம் தனுஷ்தான் என்று கோலிவுட் வட்டாரங்களில் தெரிவிக்கிறார்கள்.
சிவகார்த்திகேயனுடன் ஜோடி சேர்ந்த கீர்த்தி சுரேஷை தன்னுடைய படத்தில் ஜோடியாக்க தனுஷ் அதிக ஆர்வம் காட்டினாராம். சிவகார்த்திகேயனின் இயக்குனர்கள், தயாரிப்பாளர்கள், அவர் ஜோடி போட்ட நடிகைகள் ஆகியோரை தனுஷ் சமீப காலமாகத் தேடிப் போகிறார் என்று சொல்கிறார்கள். பிரபு சாலமன் இயக்கும் படத்தில் யார் நாயகி என்று வந்த போது தனுஷ்தான் கீர்த்தி சுரேஷை சிபாரிசு செய்தாராம். பல படங்களில் நடித்தும் இன்னும் வளராத ஜீவாவுடன் நடிப்பதை விட, தனுஷ் - பிரபு சாலமன் இணையும் கூட்டணியில் நடித்தால் தனக்குப் பெயரும், புகழும் கிடைக்கும் என்று நினைத்துள்ளார் கீர்த்தி சுரேஷ். அதனால், ஜீவாவை வேண்டாமென்று புறந்தள்ளிவிட்டு அந்தப் படத்திற்காக வைத்திருந்த தேதிகளைத்தான் தனுஷுடன் நடிக்கும் படத்திற்குக் கொடுத்துவிட்டாராம். ஏற்கெனவே, தனுஷ் மீது பயங்கர கடுப்பில் இருக்கும் ஜீவாவுக்கு, இப்போது கீர்த்தி சுரேஷ் விவகாரம் மீண்டும் பயங்கரக் கடுப்பை ஏற்படுத்திவிட்டது என்கிறார்கள்.
கீர்த்தி சுரேஷ் எந்தப் படத்தில் நடிக்க வேண்டும், எந்தப் படத்தில் நடிக்கக் கூடாது என்ற முடிவை அவருடைய அம்மாவும் முன்னாள் நாயகியுமான மேனகாதான் எடுக்கிறாராம்.