Dinamalar

ஒரே நாளில் இரண்டு அண்ணன், தம்பி படங்கள்

தமிழ்த் திரையுலகத்தில் அண்ணன் இயக்குனராகவும், தம்பி நாயகனாகவும் இருக்கும் சில குடும்பங்கள் இருக்கின்றன. இயக்குனர் ஜெயம் ராஜா - ஜெயம் ரவி, விஷ்ணுவர்தன் - கிருஷ்ணா, சத்ய பிரபாஸ் - ஆதி, சஞ்சீவ் - விக்ராந்த் இப்படி சிலரைச் சொல்லலாம். தமிழ்த் திரையுலகத்தில் ஒரே குடும்பத்தைச் சேர்ந்த பலர் திரையுலகத்தில் இருந்தாலும் அண்ணன்கள் இயக்குனர்களாகவும், தம்பிகள் நடிகர்களாகவும் இருக்கம் குடும்பங்கள் குறைவுதான். இவர்களில் ஜெயம் ராஜா , ஜெயம் ரவி மட்டுமே இதற்கு முன் பல ஹிட்டுகளைக் கொடுத்திருக்கிறார்கள். மற்ற மூன்று அண்ணன் தம்பிகளில் விஷ்ணுவர்தன் - கிருஷ்ணா இணைந்துள்ள 'யட்சன்' படம் அடுத்த மாதம் வெளியாக உள்ளது.

சத்யபிரபாஸ் - ஆதி இணைந்த 'யாகாராயினும் நா காக்க' படம் சில கடந்த மாதம் வெளிவந்தது. இன்று ஜெயம் ராஜா - ஜெயம் ரவி இணைந்துள்ள 'தனி ஒருவன்' படமும் மற்றொரு அண்ணன் தம்பிகளான அண்ணன் சஞ்சீவ் இயக்க தம்பி விக்ராந்த் நடிக்கும் 'தாக்க தாக்க' படமும் வெளியாகிறது. இரண்டு படங்களுமே ஆக்ஷன் படங்கள் என்பது குறிப்பிடத்தக்கது. ஜெயம் ராஜா - ஜெயம் ரவி கூட்டணியில் வெளிவரும் ஆறாவது படம் 'தனி ஒருவன்'. சஞ்சீவ் இயக்க விக்ராந்த் நடிக்கும் 'தாக்க தாக்க' அவர்களது கூட்டணியில் வெளி வரும் முதல் படம். ஒரே நாளில் இரண்டு, அண்ணன் தம்பிகள் கூட்டணியில் இரண்டு படங்கள் வெளிவருவது அநேகமாக தமிழ்த் திரையுலகில் இதுதான் முதல்முறையாக இருக்கும்.

• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா
• 
  ஜெகபதி பாபுவிற்கு சல்மான்கான் சொன்ன அட்வைஸ்
• 
  வித்யாபாலனின் காதல் தோல்வி : அவரே வெளியிட்ட தகவல்
• 
  சல்மான்கான் வீடு மீது துப்பாக்கிச்சூடு
• 
  காதலை உறுதிப்படுத்திய ஜான்வி கபூர்

• 
  தக் லைப் படத்தின் மூலம் இணையும் சிம்பு, துல்கர் சல்மான், ஜெயம் ரவி
• 
  ரீ-ரிலீஸ் ஆகும் ராவணன்
• 
  ரஜினி மகளாக நடிக்கும் ஸ்ருதிஹாசன்
• 
  ஸ்ரீவள்ளி 2.0 ஆக என்னை பார்ப்பீர்கள் : ராஷ்மிகா நம்பிக்கை
• 
  எழுத்தாளரான இயக்குனர்