இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
அமராவதி படத்தின் மூலம் திரையுலகில் அறிமுகமான அஜித்குமார், இன்றுடன் (ஆகஸ்ட் 03ம் தேதி) திரையுலகிற்கு வந்து, 23 ஆண்டுகளை நிறைவு செய்துள்ளார்.
21 வயதில், அமராவதி படத்தின் மூலம் தமிழ் சினிமாவில் அறிமுகமான அஜித் குமார், இன்று கோடான கோடி இளைஞர்களின் அசைக்க முடியாத தல ஆக விளங்குகிறார்.
அஜி்த்தின் ரசிகர்கள், அஜித்தை, அடுத்த சூப்பர் ஸ்டார் ஆகவே கருதி வருகிறார்கள்...
ஒரு படம் வெற்றிபெற்றால், அந்நடிகரை உச்சாணிக்கொம்பில் ஏற்றிவைப்பதும், படம் தோல்வியடைந்துவிட்டால், அவரை பூசி மொழுகிவிடுவதும், கோலிவுட் மட்டுமல்லாது, ஒட்டுமொத்த திரையுலக ரசிகர்களுக்கு உரித்தான குணம்.
ஆனால், அந்த பழக்கத்தை தகர்த்து எறிந்தவர் அஜித் குமார் மட்டுமே. அஜித் இரட்டை வேடங்களில் நடித்த வரலாறு படத்தை தொடர்ந்து அவர் நடிப்பில் வெளியான திருப்பதி, ஆழ்வார், ஜி, ஏகன், அசல், ஜனா உள்ளிட்ட படங்கள் தொடர்தோல்வி அடைந்தபோதிலும், அவரது ரசிகர்கள் துவண்டு விடவில்லை.
மங்காத்தா வெற்றியின் மூலம் மீண்டும் அஜித் வெற்றியின் உச்சத்திற்கு சென்றார். பின் வெளிவந்த பில்லா 2, ஆரம்பம் படங்கள் குறிப்பிடத்தக்க வெற்றி பெறவில்லை.அதன்பின் வீரம், என்னை அறிந்தால் படங்கள் அவரின் ரசிகர்களுக்கு சிறப்பான விருதாக அமைந்தன.
வெற்றி, தோல்விகளை சரிசமமாக பாவித்துள்ள அஜித் குமார், எளிமையின் மறுஉருவமாக திகழ்ந்து வருவதே, அவரது ரசிகர்களுக்கு மட்டுமல்லாது, அனைத்து தரப்பு மக்களுக்கும், அவரை பிடிக்க முக்கிய காரணமாக உள்ளது.
அஜித் குமார், திரையுலகிற்கு வந்து 23 ஆண்டுகள் ஆனதை கொண்டாடும் வகையில், அவரது ரசிகர்கள் டுவிட்டரில், #23YearsOfInvincibleAJITH என்ற ஹேஷ்டேக்கை உருவாக்கி, தேசிய அளவில் அதை பிரபலப்படுத்தும் நடவடிக்கைகளில் இறங்கியுள்ளனர்.
அஜித் குமார், தற்போது சிறுத்தை, வீரம் படங்களை இயக்கிய சிவாவின் இயக்கத்தில் தல 56 படத்தில் நடித்து வருகிறார்.