Dinamalar

இமானுக்கு நம்பிக்கை கொடுத்த பிரபுதேவா

தமிழ்த் திரையுலகில் இன்றைய முன்னணி இசையமைப்பாளர்களில் ஒருவராக இருந்து வருபவர் இமான். பல முன்னணி ஹீரோக்களின் படங்களுக்கும், இயக்குனர்களுக்கும் தற்போது இசையமைத்து வருகிறார். ஆனால், இமான் இசையமைப்பை முதன் முதலில் அங்கீகரித்தது பிரபுதேவாதான் என்ற ஒரு தகவலை இன்று இமான் தெரிவித்தார். பிரபுதேவா ஸ்டுடியோஸ் சார்பாக தயாரிக்கப்பட உள்ள மூன்று படங்களில் இரண்டு படங்களுக்கு இமான்தான் இசையமைப்பாளர். அந்தப் பெருமையுடன் இன்றைய அறிமுக விழாவில் கலந்து கொண்டு பேசும் போதுதான் இமான் அந்தத் தகவலைத் தெரிவத்தார்.

“என்னை ஒரு இசையமைப்பாளரா முதல் முறையா அங்கீகரிச்ச ஒரு நடிகர் பிரபுதேவா சார். தமிழ்ல நான் இசையமைப்ப முதல் படம் 'காதலே சுவாசம்'. அந்தப் படம் இன்னும் ரிலீசாகலைங்கறது வேற கதை. ஆனால், அந்தப் படத்தோடு இயக்குனர் பிரபு நேபாள் சார் கூட சேர்ந்து நாரத கான சபா எதிர்ல இருக்கிற பிரபுதேவா சார் வீட்டுக்குப் போயி முதன் முதலா என்னோட டியூன்லாம் போட்டுக் காட்டினோம். அப்ப எனக்கு முதன் முதலா என்கரேஜ் பண்ணது பிரபுதேவா மாஸ்டர்தான். அதுதான் எனக்கு முதன் முதலா கிடைச்ச பாராட்டு. எனக்கே என் மேல நம்பிக்கை இல்லாத ஒரு நேரத்துல ஒரு பெரிய மாஸ்டரா இருக்கிற அவரு அன்னைக்கு ஆரம்பிச்சி வச்சாரு. இப்ப இந்த அளவுக்கு வந்து நின்னுக்கிட்டிருக்கேன். அதுக்கு பிரபுதேவா சாருக்கு ரொம்ப நன்றி. இப்ப அவர் முதன் முதலா தயாரிக்கிற மூன்று படங்கள்ல நான் இரண்டு படத்துக்கு இசையமைப்பாளர்ங்கறது இன்னொரு பெருமை,” என இமான் தெரிவித்தார்.

'ரோமியோ ஜுலியட்' படத்திற்குப் பிறகு இயக்குனர் லட்சுமண், ஜெயம் ரவி இணைய பிரபுதேவா தயாரிக்க உள்ள புதிய படத்திற்கும், இயக்குனர் விஜய்யின் உதவியாளர் விக்டர் இயக்க வருண் நடிக்க பிரபுதேவா தயாரிக்க உள்ள மற்றொரு படத்திற்கும் இமான் தான் இசையமைப்பாளர்.

• இவரை பற்றி
• செய்திகள்
• ஆல்பம்
• வந்த படங்கள்
• வரவிருக்கும் படங்கள்

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்