இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! | 'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு |
தமிழ்த் திரையுலகில் விஜய்க்கும், விஷாலுக்கும் இடையே எப்போதும் ஒரு போட்டி இருப்பதாக ஒரு பேச்சு நீண்ட நாட்களாகவே இருந்து வருகிறது. விஷால் நடிக்கும் படங்களைக் கூர்ந்து கவனித்தால் அவை விஜய்க்கும் பொருத்தமான படங்கள் போலவே இருக்கும். ரஜினிக்குப் பிறகு ஆக்ஷன் படங்களில் நடித்து அதிகமாக பெயர் வாங்கியிருப்பது விஜய்தான். அவருக்கு அடுத்து தொடர்ந்து ஆக்ஷன் படங்களில் மட்டுமே நடித்து வருபவர் விஷால்தான்.
விஜய் நடிக்கும் படத்திற்கு 'புலி' என்று பெயர் அறிவித்த சில நாட்கள் கழித்து விஷால் நடிக்கும் புதிய படத்திற்கும் 'பாயும் புலி' என்று பெயரிட்டார்கள். அப்போதே ஏட்டிக்குப் போட்டியாக விஷாலும் வேண்டுமென்றே பெயர் வைக்கிறார் என்றும் பேசினார்கள். அடுத்து இரண்டு படங்களின் இசை வெளியீடும் ஒரே நாளில் நடக்கப் போவதால் அறிவிப்பு வெளிவந்தது. அந்த விதத்தில் 'பாயும் புலி' படத்தின் இசை வெளியீடு நாளை காலை 9 மணிக்கு சென்னையில் உள்ள திரையரங்கில் நடைபெற உள்ளது.
'புலி' படத்தின் இசை வெளியீடு மாலை 6 மணி அளவில் சென்னையை அடுத்துள்ள மகாபாலிபுரத்தில் உள்ள ரிசார்ட்டில் நடைபெற உள்ளது. இரண்டு விழாக்களிலும் முக்கிய திரையுலகப் பிரமுகர்கள் கலந்து கொள்ள இருக்கிறார்கள். மேலும் இந்த புலி ஆடியோ வெளியீட்டு விழாவில் ஸ்ருதி, ஹன்சிகா ஆகியோரின் நடன நிகழ்ச்சிகளும் நடைபெற இருக்கிறது. மேலும் நடிகை ஸ்ரீதேவி, பாலிவுட்டிலிருந்து ஒரு முன்னணி பிரபலம் ஒருவரையும் அழைத்து வரப்போவதாக தகவல் வெளியாகியுள்ளது.
'பாயும் புலி' செப்டம்பர் 4ம் தேதியும், 'புலி' செப்டம்பர் 7ம் தேதியும் வெளியாகும் என்று எதிர்பார்க்கப்படுகிறது.