பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் | 17 வருடங்களுக்க பிறகு மீண்டும் சினிமாவுக்கு வருகிறார் விஜய்யின் முதல் நாயகி | ரூ.100 கோடி வசூலித்த பஹத் பாசிலின் 'ஆவேஷம்' | பிளாஷ்பேக்: படங்களுக்கும் இசை அமைத்த சூலமங்கலம் சகோதரிகள் |
உடல் நலம் பாதிக்கப்பட்டு மருத்துமனையில் இருக்கும் நாட்டுப் புறப் பாடல் கலைஞரும், சில திரைப்படங்களில் நடித்தவருமான பரவை முனியம்மாவுக்கு சில கலைஞர்கள் உதவி செய்ய ஆரம்பித்துள்ளார்கள். விஷால் 5000 ரூபாய் கொடுத்து உதவி செய்தது பற்றியும், தனுஷ் 5 லட்சம் ரூபாய் கொடுத்து உதவி செய்தது பற்றியும் பத்திரிகையாளர்களுக்கு தகவல் அனுப்பப்பட்டது. ஆனால், அப்படி எந்த ஒரு தகவலையும் பத்திரிகையாளர்களுக்கு அனுப்பாமல் கடந்த மூன்று மாத காலமாகவே பரவை முனியம்மாவிற்கு மருத்துவ உதவிகளை சத்தமில்லாமல் சிவகார்த்திகேயன் செய்து வருகிறாராம்.
நேற்று தனுஷ் 5 லட்ச ரூபாய் உதவி செய்ய முன் வந்துள்ளார் என்ற தகவல் மீடியாக்களில் வந்த அதே நேரத்தில் நேற்று முன் தினம் மதுரை மருத்துவமனையில் பரவை முனியம்மாவை சிவகார்த்திகேயன் சந்தித்த புகைப்படம் ஒன்று சமூக வலைத்தளங்களில் பரவியிருந்தது. அங்கு டாக்டரிடம் பரவை முனியம்மாவின் உடல்நிலை குறித்து சிவகார்த்திகேயன் பேசுவது போன்ற புகைப்படமாக அது இருந்தது. அதன் பின் சிவகார்த்திகேயன் வட்டாரங்களில் இது குறித்து விசாரித்த போது, கடந்த மூன்று மாதங்களாகவே பரவை முனியம்மாவின் உடல்நிலை பற்றிக் கேள்விப்பட்டதும் தன் உதவியாளரை அனுப்பி வேண்டிய உதவிகளை சிவகார்த்திகேயன் செய்து வந்தாராம். அதோடு நேற்று முன் தினம் மறைந்த அப்துல் கலாம் உடலுக்கு அஞ்சலி செலுத்தி விட்டு வரும் வழியில் மதுரைக்குச் சென்று நேரடியாக பரவை முனியம்மாவை விசாரித்திருக்கிறார்.
அதோடு, இனி மாதா மாதம் அவருக்கு தொடர்ந்து பண உதவி செய்வதாகவும் சிவகார்த்திகேயன் தெரிவித்துள்ளாராம். எவ்வளவு தொகை என்பதை வெளியில் சொல்வது பரவை முனியம்மாவுக்கு செய்யும் மரியாதையாக இருக்காது என்றும் அது குறித்து மீடியாக்களிடமும் எதுவும் தெரிவிக்க வேண்டாம் என்றும் கண்டிப்பாகச் சொல்லியிருக்கிறாராம்.
'மான் கராத்தே' படத்தில் சிவகார்த்திகேயனுடன் இணைந்து 'ராயபுரம் பீட்டரு....' என்ற பாடலை பாடி ஆடி நடித்தவர் பரவை முனியம்மா.