Dinamalar

மலேசியா, ஜப்பானில் படமாக்கப்பட்ட சாஹசம் பாடல்காட்சிகள்!

பிரஷாந்த், அமண்டா, நர்கிஸ் பக்ரியுடன் இணைந்து நாசர், தம்பி ராமைய்யா, சோனுசூட், எம்.எஸ்.பாஸ்கர், ஜான் விஜய், ரோபோ சங்கர், அபி சரவணன், துளசி, தேவதர்ஷினி, லீமா பாபு, மலேசியா அபிதா, நளினி, சின்னி ஜெயந்த், பெசன்ட் நகர் ரவி, சுவாமி நாதன், லண்டன் இந்து, பிரம்மாஜி, சாய்பிரஷாந்த், ஹேமா, ராவ்ரமேஷ், கோட்டா சீனிவாசராவ், ரியாஸ்கான், கிருஷ்ணவம்சி, மிப்பு, ராஜேந்திரநாத், என ஒரு நட்சத்திர பட்டாளமே நடித்து வருகிறார்கள்.

வெகு பிரமாண்டமாக தயாராகி வரும் பிரஷாந்தின் ”சாஹசம்” படம் பாடல், ஆடல், அழகு ஆகிய மூன்றுக்கும் முக்கியத்துவம் தந்து எழுதப்பட்ட கதை. கடந்த 20 நாட்களாக தொடர்ந்து மலேசியா மற்றும் ஜப்பானில் பாடல் காட்சிகள் படமாக்கப்பட்டது. பிரஷாந்துடன் இந்தியாவிலிருந்து 20க்கும் மேற்பட்ட நடன கலைஞர்கள் மற்றும் மலேசிய நடன கலைஞர்கள் சேர்ந்து ஆடிய ''சாயாங் கு'' என்ற பாடல் காட்சி மலேசியா மொத்தமும் தொடர்ந்து 8 நாட்கள் படமாக்கப்பட்டது. பாபா பாஸ்கர் விசேஷமான நடன அசைவுகளை சாஹசம் படத்திற்காக பிரத்யேகமாக அமைத்துள்ளார்.

''சாயாங் கு'' என்றால் மலேசிய பாஷையில் கண்ணே, அன்பே, ஆருயிரே என்று காதலர்களுக்குள் வழங்கும் ஒரு பாசமான அழைப்பு. ''சாயாங் கு'' பாடல் மலேசியா மட்டுமல்லாமல் உலகிலுள்ள மொத்த இளைஞர்களுக்கும், காதலர்களுக்கும் கீதமாகுமாம்.

மலேசியாவை தொடர்ந்து 'ஆங்கிரி பேர்ட் (Angry Bird) என்ற பாடல் ஜப்பானில் 8 நாட்கள் நடைபெற்றது. 20க்கும் மேற்பட்ட ஜப்பானிய நடன கலைஞர்கள் கலந்து கொண்டு ஜப்பானில் எழில் கொஞ்சும் இயற்கை அழகுமிக்க இடங்களில் பிரஷாந்த், அமண்டாவுடன் சேர்ந்து நடனமாடும் காட்சிகளை காயத்ரி ரகுராம் நேர்த்தியாக படமாக்கினார். இந்த பாடலை இந்தியாவில் தலைசிறந்த பாடகரான மோஹித் சவுகான் பாடியுள்ளார்.

ஹாலிவுட் நடிகையான நர்கிஸ் பக்ரி சாஹசம் படத்தில் ஒரே ஒரு பாடலுக்கு மட்டும் நடனமாடியுள்ளார். பிரஷாந்துடன் இணைந்து அற்புதமாக உருவாகும் சாஹசம் படத்தில் நடிக்க வாய்ப்பு கிடைத்தது தான் செய்த பாக்கியம் என மனம் உருகி போகிறாராம் அமண்டா.

புதியவர் அருண்ராஜ் வர்மா, சாஹசம் படத்தின் மூலம் இயக்குநராக அறிமுகமாக, திரைக்கதை, வசனம் எழுதி ஏராளமான பொருட்செலவில் சாஹசம் படத்தை ஸ்டார் மூவிஸ் சார்பில் தயாரிக்கிறார் நடிகர் தியாகராஜன்.

முடிவடையும் தருவாயிலுள்ள பிரஷாந்தின் சாஹசம் படம் வெகுவிரைவில் திரைக்கு வரும் என எதிர்ப்பார்க்கலாம். சாஹசம் படத்தின் பாடல் வெளீயீட்டு விழா வெகு விரைவில் நடைபெறும், மிகப்பெரிய எதிர்ப்பார்ப்பை ஏற்படுத்தியுள்ள சாஹசம் படம் ரசிகர்களின் ஆவலை பூர்த்தி செய்யும் வண்ணம் இருக்குமாம்.

• இவரை பற்றி
• செய்திகள்
• ஆல்பம்
• வால் பேப்பர்கள்
• வந்த படங்கள்

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  பாண்டிராஜ் இயக்கத்தில் விஜய் சேதுபதி?
• 
  விக்ரம் படத்தில் இணைந்த மற்றொரு மலையாள நடிகர்
• 
  கள்ளழரை அருகில் கண்ட பேரானந்தத்தில் சூரி
• 
  ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா
• 
  10 மில்லியன் பார்வையாளர்களை கடந்த ‛இனிமேல்' ஆல்பம்