இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் | 17 வருடங்களுக்க பிறகு மீண்டும் சினிமாவுக்கு வருகிறார் விஜய்யின் முதல் நாயகி | ரூ.100 கோடி வசூலித்த பஹத் பாசிலின் 'ஆவேஷம்' | பிளாஷ்பேக்: படங்களுக்கும் இசை அமைத்த சூலமங்கலம் சகோதரிகள் | நடிகர் சங்க கட்டிட நிதிக்கு 50 லட்சம் வழங்கிய சிவகார்த்திகேயன் |
மோகன்லால் தற்போது ரஞ்சித் இயக்கத்தில் 'லோஹம்' படத்தில் நடித்து முடித்துவிட்டார். அடுத்ததாக பத்மகுமாரின் டைரக்சனில் கனல் படத்தில் நடித்து வருகிறார். இந்தப்படத்தின் முதற்கட்ட படப்பிடிப்பு தற்போது நடைபெற்று வருகிறது. ஆனால் இவற்றிற்கு முன்னரே மோகன்லால் நடிப்பதாக அறிவிக்கப்பட்ட 'புலி முருகன்' படப்பிடிப்பு மட்டும் துவங்கும் அடையாளத்தையே காணோமே என்றால் 'புலி முருகன்' பதுங்குவது அசுர பாய்ச்சலுடன் பாய்வதற்குத்தான் என்கிறார் படத்தின் இயக்குனர் வைசாக். இதற்குமுன் கடந்தவருடம் அவர் இயக்கிய 'கசின்ஸ்' பட தோல்வி தான் 'புலி முருகன்' படப்படிப்பு ஆரம்பிக்கப்படாமல் இருக்க காரணமா என்றால் அதெல்லாம் ஒரு விஷயமே இல்லை என்கிறார் கூலாக.
“இந்த மாதத்தில் வியட்நாமில் 'புலி முருகன்' படத்தின் முதற்கட்ட படப்பிடிப்பு ஆரம்பிக்கிறது. இதை முடித்ததும் மோகன்லால் அங்கிருந்து தோகாவில் நடைபெற இருக்கும் 'கனல்' படத்தின் இரண்டாவது கட்ட படப்பிடிப்பில் கலந்துகொள்ள இருக்கிறார். அங்கே 'கனல்' படத்தை முடித்துவிட்டால் அடுத்து அவரது தேதிகள் தொடர்ந்து புலி முருகனுக்குத்தான்.” என்கிறார் வைசாக்.
நீண்டநாட்கள் கழித்து மோகன்லால் இதில் பக்கா ஆக்சனோடு களம் இறங்குவதால் இந்தப்படத்திற்காக அவரது எடையை குறைக்க இருக்கிறாராம். இந்தப்படத்தின் சண்டைக்காட்சிகளை பீட்டர் ஹெய்ன் மாஸ்டர் தான் கவனிக்க இருக்கிறாராம். அதுமட்டுமல்ல 'சிறைச்சாலை' படத்திற்குப்பின் 25 வருடங்கள் கழித்து அவருடன் இந்தப்படத்தில் இணைந்து நடிக்கிறார் இளைய திலகம் பிரபு.