டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தமிழ்த் திரையுலகில் தற்போது அனைத்துத் துறைகளிலும் பலப் பல புதுமுகங்கள் படையெடுத்துக் கொண்டிருக்கிறார்கள். அவர்களில் ஒரு சிலர் மட்டுமே கவனத்தை ஈர்க்கிறார்கள். அப்படி கவனத்தை ஈர்த்தவர்களில் ஒருவர் மிஷ்கின் இயக்கிய 'பிசாசு' படத்திற்கு இசையமைத்த அரோல் கொரேலி. முதல் படத்திலேயே பாலாவின் தயாரிப்பு, மிஷ்கின் இயக்கம் என வாய்ப்பு கிடைத்தாலும் அந்தப் படத்தில் ஒரே ஒரு பாடலைத் தவிர வேறு பாடல்கள் இல்லாததால் பாடல்கள் மூலம் அரோல் கொரேலிக்கு ரசிகர்களை அதிகம் கவர முடியாமல் போய்விட்டது. இருந்தாலும் அந்தப் படத்தில் அவருடைய பின்னணி இசை அதிகம் பேசப்பட்டது, விமர்சகர்களால் பாராட்டப்பட்டது. இருந்தாலும் சாதாரண ரசிகர்களிடம் அவரால் அதிகம் சென்றடைய முடியவில்லை.
இப்போது அவருக்கு பெயர் சொல்லும்படியாகவும், மீண்டும் அவருடைய திறமையை நிரூபிக்கும்படியும் அடுத்த வாய்ப்பு கிடைத்துள்ளது. சூர்யா தயாரிப்பில் பாண்டிராஜ் இயக்கத்தில் உருவாகியுள்ள 'ஹைக்கூ' படத்திற்கு அரோல் கொரேலிதான் இசையமைக்கிறார். நேற்று வெளியான இந்தப் படத்தின் டீசர் திரையுலகத்தினரையும், ரசிகர்களின் கவனத்தையும் நன்றாகவே ஈர்த்துள்ளது. சிறு குழந்தைகளை வைத்து மிகவும் யதார்த்தமாக உருவாக்கப்பட்டுள்ள இந்த டீசருக்கு அரோல் கொரேலி இசையமைத்துள்ள விதமும் கவர்ந்துள்ளது. இந்த 'ஹைக்கூ' மூலம் அரோல் கொரேலியின் பெயர் இனி அதிகம் ஒலிக்கும் என்று எதிர்பார்க்கலாம்.