தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
கும்கி படத்தில் அறிமுமான லட்சுமி மேனன், செம ராசியான நடிகை. அவர் பேரழகி இல்லை. ஆனால் எளிமையான அழகு. பக்கத்துவீட்டு முகம். அதனாலேயே அவரை எல்லோருக்கும் பிடித்து விட்டது. அதோடு அதிர்ஷ்டம் அவர் பக்கம் நிற்க அவர் நடித்த பாண்டியநாடு, மஞ்சப்பை, கொம்பன், நான் சிகப்பு மனிதன், சுந்தரபாண்டியன் என நடித்த படங்கள் அனைத்தும் ஹிட். இப்போது அஜீத்துடன் நடிக்கும் அளவிற்கு உயர்ந்துவிட்டார்.
ஒரு கட்டத்தில் "எனக்கு பாவாடை தாவணி அணியும் கிராமத்து கேரக்டர்களாகவே வருகிறது. அதனால் நடிப்பை விட்டுவிட்டு படிப்பில் கவனம் செலுத்தப்போகிறேன்" என்று ஒரு பேட்டியை தட்டிவிட பரபரத்தது மீடியா. எனவே அவரது படிப்பை டார்க்கெட் செய்தது. படிப்பா நடிப்பா என்ற பட்டிமன்றமே நடந்தது. இந்த நிலையில் கடந்த சில நாட்ளுக்கு முன்பு பிளஸ் தேர்வு முடிவுகள் வெளியாக யாரோ ஒரு லட்சுமி மேனன் பெயிலாக, இவர் பெயிலானதாக பரபரவென செய்தி பரவியது. "அய்யோ நான் படிப்பது சிபிஎஸ்இ ஸ்கூல். ரிசல்ட் வந்திருப்பது ஸ்டேட்போர்டு" என்று கதறினார் லட்சுமி மேனன். பரபரப்பு அடங்கியது.
நேற்று வெளியான சிபிஎஸ்இ தேர்வு முடிவில் லட்சுமிமேனன் பாஸாகி விட்டார். நாட்டுக்கு தேவையான நல்ல செய்தி வெளியானதும் லட்சுமி மேனனும், மீடியாக்களும், ரசிகர்களும் மகிழ்ச்சி அடைந்தனர். பாஸாகி விட்ட சந்தோஷத்தை தனது தோழிகள், நண்பர்கள், உறவினர்கள், ரசிகர்களுடன் பேஸ்புக் மூலம் பகிர்ந்து கொண்டார் அதில் தான் படித்த கொச்சி திருவங்குளம் பவன்ஸ் வித்யா மந்திர் பள்ளி ஆசிரியைகளுக்கு நன்றி தெரிவித்துள்ளார்.
லட்சுமி மேனன் படித்தது வணிகவியல் பாடப் பிரிவு. அதில் பாஸாவது எளிமையானது என்பதையெல்லாம் விட்டு விடுங்கள். அடுத்து அவர் பெங்களூரில் உள்ள பிரபலமான பேஷன் டிசைனிங் கல்லூரியில் சேர்ந்து படிக்கப்போகிறார். மொத்தமே ஆண்டுக்கு 100 நாள் நேரடியாக கிளாசுக்கு போனால் போதும் மற்ற நாட்கள் எல்லாம் பிராக்டிக்கல்தான். அதனால் இதனை தேர்வு செய்துள்ளார். தொடர்ந்து நடிப்பில் தீவிர கவனம் செலுத்தவும் முடிவு செய்திருக்கிறார். எப்படியோ லட்சுமி மேனன் ஹேப்பி அண்ணாச்சி...