Dinamalar

கமரகட்டு, டிமான்ட்டி காலனி - ஒரே நாளில் இரண்டு பேய்ப் படங்கள்!

கடந்த வருடம் ஏகப்பட்ட பேய்ப்படங்கள் வெளிவந்தன். அவற்றில் சில படங்களே வெற்றியடைந்தன. அவற்றில் முக்கியமான படங்கள் - எல்ரெட் குமார் தயாரிப்பில் டிகே இயக்கிய யாமிருக்க பயமே, சுந்தர்.சி இயக்கத்தில் சந்தானம், வினய் நடித்த அரண்மனை, மிஷ்கின் இயக்கிய பிசாசு. இந்த வருடத்தின் துவக்கத்திலேயே இசையமைப்பாளர் ஜி.வி. பிரகாஷ்குமார் கதாநாயகனாக அறிமுகமான டார்லிங் என்ற பேய்ப்படம் வெற்றியடைந்தது. டார்லிங் படத்தை அடுத்து ஏகப்பட்ட பேய்ப்படங்கள் வந்தாலும், கடந்த காலங்களில் வெளியான அத்தனை பேய்ப்படங்களின் வசூலையும் மிஞ்சுகிற வகையில் வெற்றிப்படமானது - காஞ்சனா-2 படம் மட்டுமே.

இப்படம் மிகப் பெரிய வெற்றியடைந்து வசூலில் இன்றுவரை சாதனை படைத்துக் கொண்டிருக்கிறது. சென்னையில் ஒரு தியேட்டரில் 4 காட்சி ஓடிய காஞ்சனா -2 படத்தை பகல்காட்சியாக மாற்றிவிட்டு 36 வயதினிலே படத்தை 3 காட்சிகளில் திரையிட்டனர். இரண்டே நாட்களில் 36 வயதினிலே பகல் காட்சியாக மாற்றப்பட்டு, காஞ்சனா-2 படம் 3 காட்சியாக மாற்றப்பட்டது. அந்தளவுக்கு பேய் ஓட்டம் ஓடும் காஞ்சனா 2 படத்தை வாங்கி வெளியிட்ட விநியோகஸ்தர் ராமநாராயணனின் மகன் முரளி ராமசாமி.

இன்று வெளியாகி உள்ள டிமான்ட்டி காலனி படத்தையும் அவரே வாங்கி வெளியிட்டிருக்கிறார். அருள்நிதியின் மோகனா மூவிஸ் தயாரித்திருக்கும் டிமான்ட்டி காலனி படத்தை ஏ.ஆர்.முருகதாஸிடம் உதவி இயக்குனராகப் பணியாற்றிய அஜய் ஞானமுத்து என்ற புதுமுக இயக்குநர் இயக்கி இருக்கிறார். ரசிகர்களின் பல்ஸை தெரிந்து வைத்திருக்கும் ராமநாராயணனின் மகன் முரளி ராமசாமி இப்படத்தை வெளியிட்டிருப்பதை வைத்தே டிமான்ட்டி காலனி படத்தின் வெற்றி உறுதி என்கிறார்கள் தியேட்டர்காரர்கள். ராம்கி ராமகிருஷ்ணன் இயக்கத்தில் யுவன், ஸ்ரீராம் நடித்து இன்று வெளியாகி உள்ள கமரகட்டு படமும் பேய்ப்படம்தான். படத்தின் நாயகர்களாக நடிக்கும் யுவன், ஸ்ரீராம் இருவரையும் வஞ்சகமாக ஏமாற்றி கொன்று விடுகின்றனர். காதலிகளின் உடம்புக்குள் புகுந்து கொண்டு அதாவது பெண்களின் உருவத்தில் இரண்டு ஆண் பேய்களும் என்ன செய்கின்றன என்பதுதான் கமரகட்டு படத்தின் கதை. பெண்கள், குழந்தைகள் என அனைத்து வயதினரும் பயப்படாமல் ரசிக்கும்படி கமரகட்டு படத்தை எடுத்திருக்கிறார் ராம்கி ராமகிருஷ்ணன்.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  மோகன்லாலுடன் 56வது முறையாக ஜோடி சேரும் ஷோபனா
• 
  'பிரேமலு 2' அறிவிப்பு : 2025ல் வெளியாகும்…
• 
  'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி
• 
  ஓட்டு கூட போடாத திரைப்பிரபலங்கள்...!
• 
  விஜய்யைக் காப்பியடிக்கும் விஷால் : ரசிகர்கள் கிண்டல்