தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
சின்ன சின்ன வேடங்களில் நடித்து வந்த விதார்த், பிரபு சாலமன் இயக்கிய மைனா படத்தின் மூலம் அனைவரையம் திரும்பி பார்க்க வைத்தார். முதல் இடம், ஜன்னல் ஓரம், வெண்மேகம், ஆள், காடு போன்ற படங்களில் நடித்து வருபவர், இப்போது உலா மற்றும் விழித்திரு படங்களில் நடித்துள்ளார். இப்படம் விரைவில் வெளிவர இருக்கிறது. அடுத்தப்படியாக காக்கா முட்டை மணிகண்டன் இயக்கத்தில், குற்றமும் தண்டனையும் என்ற படத்தில் நடிக்க இருக்கிறார். இப்படத்தில் ஐஸ்வர்யா ராஜேஷ் ஹீரோயினாக நடிக்க விதார்த்தின் சகோதரர்கள் தயாரிக்க இருக்கின்றனர்.
இதுநாள் வரை தனியாளாக இருந்து வந்த விதார்த், இப்போது இல்லற வாழ்வில் இணைய இருக்கிறார். ஆமாம் அவருக்கு திருமணம் நிச்சயமாகியுள்ளது. விதார்த், திண்டுக்கல் மாவட்டம், பழனியை சேர்ந்த காயத்திரி என்ற பெண்ணை மணக்க இருக்கிறார். காயத்திரி வக்கீலுக்கு படித்து வருகிறார். இவரது தந்தை சிவானந்தமும் ஒரு வக்கீல். இவர்களது திருமண நிச்சயதார்த்தம், பழனியில் உள்ள ஒரு திருமண மண்டபத்தில் நேற்று மாலை நடந்தது. ஜூன் 11ம் தேதி திருப்பதி கோவிலில் திருமணம் நடைபெற இருக்கிறது. சென்னையில் ஜூன் 17ம் தேதி திருமண வரவேற்பு நடக்கிறது.