Dinamalar

60வது பிலிம்பேர் விருதுகள்: குயினுக்கு 6 - ஹைடருக்கு 5 வருதுகள்!

சினிமா துறையில், தேசிய விருதுக்கு பிறகு இந்தியாவில் மிகவும் பிரபலமானது பிலிம்பேர் விருதுகள். ஒவ்வொரு ஆண்டும் பிலிம்பேர் விருதுகள் வழங்கப்படுகிறது. அதன்படி 60வது பிலிம்பேர் விருதுகள் டில்லியில் நடந்தது. இதில், கங்கனா ரணாவத் நடித்த ''குயின்'' படத்திற்கு 6 விருதுகளும், ஷாகித் கபூர் நடித்த ''ஹைடர்'' படத்திற்கு 5 விருதுகளும் கிடைத்தன.

குயின் - 6 விருதுகள்

குயின் படத்திற்கு 6 பிலிம்பேர் விருதுகள் கிடைத்துள்ளது. திருமணம் நின்று போன ஒரு பெண் ஹனிமூனுக்காக எடுத்து வைத்திருந்த டிக்கெட்டில், பிரான்சு தலைநகர் பாரிசுக்கு தனியாக பயணிக்கும் போது அங்கு அவள் சந்திக்கும் நிகழ்வுகளை மையமாக வைத்து குயின் எனும் அழகான படத்தை இயக்கி இருந்தார் விகாஸ் பால். கங்கனா ரணாவத் முக்கிய ரோலில் நடித்திருந்தார். குயின் படத்திற்கு, சிறந்த படம், சிறந்த நடிகை(கங்கனா), சிறந்த இயக்குநர்(விகாஸ் பால்), சிறந்த இசை உள்ளிட்ட 6 பிரிவுகளில் விருது கிடைத்துள்ளது.

ஹைடர் - 5 விருதுகள்

காஷ்மீர் பிரச்னையை மையமாகக் கொண்டு கடந்தாண்டு வௌியான படம் ஹைடர். ஷாகித் கபூர் நடித்த இப்படத்தை விஷால் பரத்வாஜ் இயக்கிருந்தார். இப்படத்திற்கு நல்ல வரவேற்பு கிடைத்த நிலையில் இதில் நடித்த ஷாகித் கபூருக்கு சிறந்த நடிகருக்கான பிலிம் பேர் விருது கிடைத்துள்ளது. அத்துடன் சிறந்த துணை நடிகை (தபு), சிறந்த துணை நடிகர் (கே.கே.மேனன்) உள்ளிட்ட 5 பிரிவுகளில் ஹைடர் படத்திற்கு விருதுகள் கிடைத்துள்ளது.

இந்த இரண்டு படங்கள் தவிர அமீர்கானின் ''பிகே.'' மற்றும் ''2 ஸ்டேட்ஸ்'' படத்திற்கு தலா இரண்டு விருதுகள் கிடைத்துள்ளது.

விருது வழங்கும் நிகழ்ச்சியுடன் நட்சத்திரங்களின் கலை நிகழ்ச்சியும் நடந்தது. இந்த விழாவில் ஏராளமான பாலிவுட் பிரபலங்களும் கலந்து கொண்டனர்.

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்

• செய்திகள்
• வீடியோ
• வந்த படங்கள்

• 
  'அமரன்' நிஜ கதாநாயகனுக்கு அஞ்சலி செலுத்திய இயக்குனர்
• 
  தன் படங்களின் அப்டேட் கொடுத்த ஜிவி பிரகாஷ்குமார்
• 
  நடிகை தமன்னாவுக்கு மும்பை சைபர் கிரைம் சம்மன்
• 
  ரீ-ரிலீஸ் படங்களால் யாருக்கு லாபம்?
• 
  விஜய் கையில் காயம் : ரசிகர்கள் வருத்தம்

• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா