டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
இந்த வருடம் டில்லியில் நடைபெற்ற 66வது குடியரசு தின விழாவில் அமெரிக்க அதிபர் ஒபாமா நேரில் கலந்துகொண்டது ஒரு பெருமையான விஷயம் என்றால், மத்திய அரசின் சிறப்பு அழைப்பை ஏற்று கேரளாவில் இருந்து மலையாள சூப்பர்ஸ்டார் மோகன்லால் தனது மனைவியுடன் கலந்துகொண்டது அவரது ரசிகர்களையும், ஏன் கேரளா மக்களையும் கூட சந்தோஷப்படுத்தியுள்ளது.
மோகன்லால் ராணுவத்தில் இருந்ததில்லை. ஆனால் ராணுவத்திற்கு பெருமைசேர்க்கும் விதமாக நிறைய ராணுவப்படங்களில் நடித்திருக்கிறார். அதனால் மோகன்லாலுக்கு சில வருடங்களுக்கு முன்பு மத்திய அரசு அவருக்கு கௌரவ ராணுவ கர்னல் பதவியை வழங்கி கௌரவப்படுத்தியது. இதனால் மோகன்லாலும் அவ்வப்போது ராணுவம் மற்றும் அரசு சம்பந்தப்பட்ட விழாக்களில் கலந்துகொண்டு வந்தார்.
அந்தவகையில் இப்போதும் 66வது குடியரசு தின விழாவில் கலந்துகொண்ட மோகன்லால், “அணிவகுப்பை பார்ப்பதற்காக காலை ஏழு மணிக்கே சென்றுவிட்டேன்.. அந்தசமயம் சற்று மழை தூறிக்கொண்டிருந்தாலும், மக்கள் கூட்டம் அதை பொருட்படுத்தாமல் விழாவைக்காண கூடி நின்றது பரவசமாக இருந்தது.. ஒரு இந்தியனாக இந்த விழாவில் கலந்துகொண்டதில் பெருமைப்படுகிறேன்” என கூறியுள்ளார்.