மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' | மகள் திருமணத்தில் பிசியான ஷங்கர் | மீண்டும் வெளியாகிறது 'அஞ்சான்' | விடுதலைபுலி இயக்கத்தின் அடுத்தகட்ட தலைவர்கள் பற்றிய படம் | பிளாஷ்பேக்: நம்பியாருக்கு பொருத்தமான ஜோடியாக வலம் வந்த டி.கே.சரஸ்வதி |
சுவரில்லாத சித்திரங்கள் படத்தில் இயக்குனராக அவதரித்தவர் கே.பாக்யராஜ். அதோடு தனது படங்களில் தானும் நாயகனாக நடித்து வந்தவர். அந்த வகையில்,. இதுவரை 35 படங்களை அவர் இயக்கியிருக்கிறார். இருப்பினும் சித்து ப்ளஸ் -2 படத்தின் தோல்வி பாக்யராஜை சற்று தடுமாற வைத்து விட்டது. அதனால் சிலகாலம் படம் இயக்குவதில் இருந்து விலகி, சில படங்களில் நடித்து வந்த அவர், தற்போது துணை முதல்வர் என்ற படத்திற்கு கதை திரைக்கதை எழுதி நாயகனாகவும் நடித்திருக்கிறார். அவருடன் இன்னொரு ஹீரோவாக மலையாள நடிகர் ஜெயராம் நடித்துள்ளார். அவர்களுக்கு ஜோடியாக, ஸ்வேதா மேனன், காதல் சந்தியா ஆகியோரும் நடித்திருக்கிறார்கள் இந்த படத்தை ரா.விவேகானந்தன் என்ற புதியவர் இயக்கியுள்ளார்.
இப்படத்தின் ஆடியோ வெளியீட்டு விழா இன்று காலை 10 மணி அளவில் சென்னையிலுள்ள சத்யம் தியேட்டரில் நடைபெற்றது. இந்த விழாவை பார்த்திபன் தொகுத்து வழங்கினார்.
மேலும், சாதாரணமாக ஆடியோ விழாக்களில் நடிகர்கள், இயக்குனர்கள், தயாரிப்பாளர்கள் ஆகியோர்தான் அதிகமாக இடம்பெறுவார்கள். அந்த படங்களில நடித்த நடிகைகள் ஓரிருவர் மட்டுமே இருப்பார்கள். ஆனால் இந்த பட விழாவில், தன்னுடன் கதாநாயகியாக நடித்த சில நடிகைகளை கெளரவப்படுத்தும் வகையில், அவர்களை மட்டுமே மேடையில் அமர வைத்தார் பாக்யராஜ்.
அந்த வகையில், அவரது மனைவியும் நடிகையுமான பூர்ணிமா பாக்யராஜ், ராதிகா, ரோகினி, ரேகா, மீனா, ஊர்வசி, வடிவுக்கரசி ஆகியோரும், அவருடன நடிக்காத ஸ்ரீப்ரியா, சுகாசினி ஆகிய முன்னாள் கதாநாயகிகளும் இடம்பெற்றனர். ஆக, தனது பட விழாவில் பெண்களுக்கு மட்டுமே முக்கசியத்துவம் கொடுத்து விழாவை சிறப்பாக நடத்தினார் கே.பாக்யராஜ். முக்கியமாக படத்தில் நடித்த இன்னொரு நடிகரான ஜெயராம் மட்டுமே மேடையில் அமர, பாக்யராஜ் ஒரு ஓரமாக நின்று கொண்டிருந்தார் என்பது குறிப்பிடத்த்ககது.