ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
விஜய் டி.வியில் ஒளிபரப்பான மகாபாரதம் தொடருக்கு பிறகு புராண தொடர்களுக்கான மவுசு கூடியிருக்கிறது. அதனால் சேனல்கள் இந்தியில் ஏற்கெனவே ஒளிபரப்பான புராண தொடர்களை வாங்கி டப் செய்து ஒளிபரப்புகிறது.
அந்த வரிசையில் புதுயுகம் தொலைக்காட்சியல் கடந்த 17ந் தேதி முதல் ஒளிபரப்பாகி வருகிறது ஸ்ரீகிருஷ்ண அவதாரம். திங்கள் முதல் வெள்ளி வரை இரவு 7 மணிக்கு ஒளிபரப்பாகும் இந்த தொடர் மறுநாள் காலை 11 மணிக்கு மறுஒளிபரப்பும் செய்யப்படுகிறது.
இந்த தொடரில் அரக்கன் கம்சனை அழித்த பிறகு துவாரகையில் கிருஷ்ணர் நடத்தும் நல்லாட்சியை மையமாக கொண்டு கதை நகர்த்தப்படுகிறது. சாகாவரம் பெற்ற காலியவான், துவாரகை நகரம் மீது பெரும்படையுடன் போர் தொடுப்பதும். அந்த போரை எதிர்கொள்ளும் கிருஷ்ணரின் தந்திரங்களும், அதன் மூலம் சொல்லப்படும் நீதிகளும் திரைக்கதையாக வடிவமைக்கப்பட்டுள்ளது.
ஸ்ரீகிருஷ்ணரின் மனைவி ருக்மணி லட்சுமி தேவியாக அவதரித்து துவாரகை மன்னர் கிருஷ்ணரை காதலிப்பதும். அந்த காதலுக்கு எதிர்ப்பு தெரிவிக்கும் லட்சுமியின் சகோதரன் ருக்மி கிருஷ்ணரை அழிக்க திட்டம் தீட்டுவதும் அதை முறியடித்து கிருஷ்ணர் லட்சுமியை கரம் பிடிப்பதும் இன்னொரு பகுதி கதை. அதிகமான கிராபிக்ஸ் பிரமாண்டங்கள், யுத்த காட்சிகள், காதல் காட்சிகள், செண்டிமெண்ட் என கலவையாக ஒளிபரப்பாகிறது.