Dinamalar

எப்போதும் நான் வில்லிதான்! - டிவி நடிகை நிஷா பேட்டி

டி.வி. தொடர்களில் ஹீரோயினி-வில்லி என இரண்டு வேடங்களில் எந்த வேடம் வேண்டும் என்று என்னைக்கேட்டால் வில்லி வேடத்தைத் தான் டிக் பண்ணுவேன். காரணம், ஹீரோயினிக்கு லிமிட் உண்டு, ஆனால் வில்லிக்கு லிமிட்டே கிடையாது. புகுந்து விளையாடலாம். அதனால்தான் வில்லி வேடத்துக்கே நான் முதலிடம் கொடுக்கிறேன் என்கிறார் நடிகை நிஷா.

தினமலர் இணையதளத்துக்காக அவரிடம் சில கேள்விகள்...

தொலைக்காட்சிகளில் நிகழ்ச்சி தொகுப்பாளினியாக இருந்து நீங்கள் நடிகையானது ஏன்?

சேனல்களில் என்ட்ரி கொடுக்க வேண்டும் என்று நினைத்தபோது தொகுப்பாளினிதான் எனக்கு சரியாகப்பட்டது. அப்படி நான் நான்கு ஆண்டுகள் நிகழ்ச்சி தொகுப்பாளினியாக இருந்தபோது, டி.வி. தொடர்களில் நடிக்கும் நடிகைகள் மக்கள் மத்தியில் பிரபலமாகி வருவதை பார்த்த போதுதான் எனக்கும் சீரியல்களில் நடிக்கும் ஆர்வம் ஏற்பட்டு, அழகி தொடரில் நடித்தேன். அந்த முதல் தொடரே என்னை பேச வைத்ததோடு, எனக்கு திருப்புமுனையாகவும் அமைந்தது. அதனால் இப்போது முழுநேர நடிகையாகி விட்டேன். மேலும், தற்போது ஒளிபரப்பாகி வரும் தெய்வம் தந்த வீடு தொடர் என்னை பட்டிதொட்டியெல்லாம் பேச வைத்துக்கொண்டிருக்கிறது.

உங்கள் நடிப்புக்கு நேயர்களின் ரெஸ்பான்ஸ் எப்படி உள்ளது?

நமது நடிப்பை ரொம்பவே வாட்ச் பண்ணுகிறார்கள். முக்கியமாக வில்லி என்கிறபோது கதைக்காக நாம் செய்யும் அடாவடித்தனமான நடிப்பை நிஜமென்று நினைத்து உணர்ச்சிவசபபடுகிறார்கள். எங்கேயாவது பார்க்க நேர்ந்தால், நான் நடிக்கும் கேரக்டரின் பெயரை சொல்லி, ஏன் ப்ரியா இப்படியெல்லாம் பண்றே -என்று என்னை திட்டுகிறார்கள். அந்த அளவுக்கு சீரியலை, நிஜ வாழ்க்கை போன்று நேயர்கள் நினைக்கிறார்கள். அதனால் வில்லியாக நடித்ததால் ஒரே சீரியலில் நான் ரீச் ஆகிவிட்டேன்.

டைட்டில் வேடங்களில் நடிக்கும் ஆசை உள்ளதா?

சீரியலைப் பொறுத்தவரை கதாநாயகிதான் பிரச்சினைகளை முறியடிப்பார். ஆனால் அவரை பிரச்சினைகளில் சிக்க வைப்பவர் வில்லியாகத்தான் இருப்பார். அந்த வகையில், எனனைக்கேட்டால் வில்லிதான் கதையையே நகர்த்தி செல்கிறார். அதனால், அப்படிப்பட்ட ஒரு கதாபாத்திரத்தில் நடிப்பதைத்தான் நான் பெரிதும் விரும்புகிறேன். மேலும், கதாநாயகி என்றால் ஒரு லிமிட்டுக்குள்தான் நடிக்க முடியும். ஆனால் வில்லி என்கிறபோது லிமிட்டே கிடையாது. புகுந்து விளையாடலாம். அதனால் வில்லி வேடங்களில் தொடர்ந்து நடிக்கவே நான் ஆசைப்படுகிறேன.

பக்கம் பக்கமாக வசனம் பேசுவதறகு முன்பு டயலாக்கை மனப்பாடம் செய்வீர்களா?

வில்லி வேடம் என்கிறபோது பவர்புல்லான வசனங்கள் இருக்கும். அதேசமயம், நெகட்டிவான ரியாக்சன் அதிகமாக இடம்பெறும். ஆனால் சில காட்சிகளில் நீங்கள் சொல்வது போன்று பக்கம் பக்கமாக வசனம் பேசவேண்டிய சூழலும் ஏற்படும். ஆனால் நான் மலையாளி என்பதால் எனக்கு தமிழ் படிப்பதில் பிரச்சினை உண்டு. அதனால் நான் நடிக்கும்போது ப்ராம்டிங் செய்யச்சொல்லி அதை கேட்டபடி நடித்து விடுகிறேன். அது எனக்கு எளிதாகவும் உள்ளது.

ப்ராம்டிங் முறையில் பேசி நடிக்கும்போது நடிப்பு சிதறாதா?

ப்ராம்டிங் என்பது நாம் ஒரு காட்சியில் நடிக்கிறபோது, நாம் பேச வேண்டிய வசனங்களை இன்னொருவர் சத்தமாக படிப்பார். அதை காதில் வாங்கியபடி பேசி நடிக்க வேண்டும். இது முதலில் கொஞ்சம் சிரமமாக இருந்தாலும் போகப்போக பழகி விடும். இப்போது எத்தனை பெரிய வசன காட்சிகள் என்றாலும், ப்ராம்டிங் முறையில் சிறப்பாக நடித்து விடுகிறேன். மொழிப்பிரச்சினை உள்ள என்னைப் போன்ற நடிகைகளுக்கு அதுவே சிறந்த வழியாகவும் உள்ளது. இதனால் நடிப்பு சிதறுவதற்கு வாய்ப்பில்லை. தேவையான ரியாக்சனை கொடுத்து விட முடியும். அதோடு, ஒரு இரண்டு தடவை மானிட்டரில் ரிகர்சல் பார்த்து விடடுத்தான் டேக் செல்வேன்.

சமீபகாலமாக சினிமாவிலும் நடிக்கத் தொடங்கி விட்டீர்களே?

முன்பெல்லாம் டி.வியில் நடிப்பவர்களுக்கு சினிமாவில் மரியாதை இல்லாமல் இருந்தது. ஆனால். இப்போது டிவியில் முகம் காட்டுபவர்கள் சினிமாவில் பெரிய ஹீரோக்களாகி வருகிறார்கள். சீரியல் நடிகர்-நடிகைகளும் முக்கிய கேரக்டர்களில் நடிக்கிறார்கள். ஏற்கனவே சீரியல்கள் மூலம் மக்களுக்கு நன்கு தெரிந்த முகமாக இருப்பதால் வரவேற்பும், மரியாதையும் அதிகரித்து வருகிறது. அதனால்தான், நானும் பூஜை உள்பட சில படங்களில் சிறிய வேடங்கள் மூலம் சினிமாவில் என்ட்ரி கொடுத்து வருகிறேன். இன்னும் வெயிட்டான வேடங்களில் நடிக்க வேண்டும் என்கிற ஆர்வமும் உள்ளது. இருப்பினும், டி.விக்குத்தான் நான் முதலிடம் கொடுப்பேன. டி.வி சீரியல்களுக்கு பிரச்சினை ஏற்படாத வகையில் சினிமாவில் நடிபபேன் என்கிறார் நிஷா.

• செய்திகள்
• வந்த படங்கள்

• 
  வித்யாபாலனின் காதல் தோல்வி : அவரே வெளியிட்ட தகவல்
• 
  சல்மான்கான் வீடு மீது துப்பாக்கிச்சூடு
• 
  காதலை உறுதிப்படுத்திய ஜான்வி கபூர்
• 
  தமிழில் ஒளிபரப்பாகும் சன்னி லியோனின் ‛ஸ்ப்ளிட்ஸ்வில்லா எக்ஸ்' ...
• 
  ஏ.ஆர்.முருகதாஸ் - சல்மான்கான் படத்தின் தலைப்பு வெளியானது

• 
  ஓடிடி - வாழ வைக்கிறதா, நசுக்குகிறதா? : கலங்கும் கலையுலகம்
• 
  மாற்றத்தை ஏற்படுத்தாத மார்ச் மாதத் திரைப்படங்கள்
• 
  தமிழ் சினிமா 2024 - பிசுபிசுத்த பிப்ரவரி
• 
  காலத்திற்கேற்ப மாற்றத்தைக் கொண்டு வருமா தமிழ் சினிமா?
• 
  ஆரம்பமே இப்படியா...? - 2024ன் முதல் மாதம் ஓர் அலசல்