தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
இசையமைப்பாளர் விஜய் ஆண்டனி ஹீரோவாக நடித்து சில மாதங்களுக்கு முன் வெளியான சலீம் திரைப்படம் வணிகரீதியில் வெற்றியடைந்தது.
அப்படத்தை வாங்கியவர்களுக்கு பெரிய லாபம் கிடைக்கவில்லை என்றாலும், யாருக்கும் நஷ்டமில்லை.
ஒரு சில ஏரியாக்களில் சலீம் படத்தை வாங்கிய விநியோகஸ்தர்கள் லாபம் பார்த்தனர்.
சலீம் படத்தை அடுத்து இந்தியா பாகிஸ்தான், திருடன், செய்தான் ஆகிய படங்களிலும் நடித்து வருகிறார் விஜய் ஆண்டனி.
அவற்றில் விஜய் ஆன்டனியின் நடிப்பில் அடுத்து ரிலீசாகவிருக்கும் படம் இந்தியா பாகிஸ்தான்.
இப்படம் வெளியான பிறகு பிச்சைக்காரன் என்ற படத்தில் நடிக்க ஒப்புக் கொண்டிருக்கிறார் விஜய் ஆண்டனி.
ஐந்து ஐந்து ஐந்து படத்தை அடுத்து சசி இயக்கும் படம் இது.
இப்படத்தை விஜய் ஆன்டனியே தயாரித்து, இசையும் அமைக்கிறார்.
தான் நடிக்கும் படங்களுக்கு வித்தியாசமான கதைகளை தேர்வு செய்து, வித்தியாசமானமுறையில் தலைப்பு வைக்கும் விஜய் ஆன்டனிதான் இப்படத்திற்கு பிச்சைக்காரன் என்று டைட்டில் வைத்தாராம்.
பிச்சைக்காரன் படத்தின் படப்பிடிப்பு வருகிற டிசம்பர் மாதம் 1-ஆம் தேதி ஆரம்பமாகவுள்ளது.
இப்படத்திற்கான கதாநாயகி மற்றும் தொழில்நுட்ப கலைஞர்களின் தேர்வு நடந்து வருகிறது.
பிச்சைக்காரன் படத்தை தொடங்குவதற்கு முன்னர் இந்தியா பாகிஸ்தான் படத்தை வெளியிட்டுவிடுவாராம்.