டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தமிழ்த் திரையுலகமே இன்று வெளியாகும் 'ஐ' படத்தின் இசை வெளியீட்டைப் பற்றித்தான் பேசிக் கொண்டிருக்கிறது. ஆனால், தெலுங்குத் திரையுலகம் 'கோவிந்துடு அந்தாரிவாடிலே' படத்தின் இசை வெளியீட்டைப் பற்றிப் பேசிக் கொண்டிருக்கிறது. நடிகை ரம்யா கிருஷ்ணனின் கணவரான கிருஷ்ண வம்சி இயக்கத்தில், தெலுங்கின் முன்னணி நடிகர்களில் ஒருவரான ராம் சரண் தேஜா, காஜல் அகர்வால், பிரகாஷ் ராஜ், ராஜ்கிரண், கமலினி முகர்ஜி, ஜெயசுதா, மற்றும் பலர் நடிக்கத் தயாராகி வரும் படம் அது. இப்படத்தின் இசை வெளியீடு இன்று ஐதராபாத்தில் நடக்க உள்ளது.
கிருஷ்ண வம்சி இயக்கத்தில் இதுவரை பல வித்தியாசமான படங்கள் வெளிவந்துள்ளன. அவர் இயக்கிய 'அந்தப்புரம்' படம் தமிழிலும் வெளியாகியது. மகேஷ் பாபு உட்பட பல நட்சத்திரங்களை அவர் இயக்கியுள்ளார். யுவன்ஷங்கர் ராஜாவுடன் பணியாற்ற வேண்டும் என்பது அவருடைய நீண்ட நாள் ஆசை. 'அந்தப்புரம்' படத்திற்கும் யுவனின் அப்பாவான இளையராஜாதான் இசையமைத்திருந்தார். கிருஷ்ணவம்சி இளையராஜாவை அதிகம் நேசிக்கும் இயக்குனர்களில் ஒருவர் என்பது குறிப்பிடத்தக்கது.
'கோவிந்துடு அந்தாரிவாடிலே' படத்தின் டீஸரும் சமீபத்தில் வெளியாகி பலத்த வரவேற்பைப் பெற்றது. படத்தின் பாடல்களும் சூப்பர் ஹிட்டாகும் என்று எதிர்பார்க்கப்படுகிறது. அதே சமயம், இந்தப் படத்தின் மீதான எதிர்பார்ப்புகளும் அதிகமாகியுள்ளது. 'மகதீரா' படத்தின் வெற்றி ஜோடியான ராம் சரண் தேஜா, காஜல் அகவர்வால் மீண்டும் இணைந்துள்ளதாலும் பல வெற்றிகரமான கூட்டணி இந்தப் படத்தில் உள்ளதாலும் தெலுங்குத் திரையுலகில் முதலில் 100 கோடி வசூலிக்கப் போகும் படமாக இப்படம் அமையும் என்றும் பேசிக் கொள்கிறார்கள்.