அமெரிக்காவில் பைக் விபத்தில் காயம் அடைந்த அனுஷ்கா பட ஹீரோ | சித்தார்த்-அதிதி ராவ்-க்கு நயன்தாரா வாழ்த்து | துபாய் மியூசியத்தில் தனது மெழுகுசிலையுடன் போஸ் கொடுத்த அல்லு அர்ஜுன் | சீரியல் நடிகை அக்ஷிதாவிற்கு நடந்து முடிந்த நிச்சயதார்த்தம்! | என்ன கமெண்ட் இதெல்லாம்? கடுப்பான ரோபோ சங்கர் மருமகன் | டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி |
பல வருட இடைவெளிக்குப் பிறகு ஸ்ரீதேவி நடித்து வெளிவந்த 'இங்கிலீஷ் விங்கிலீஷ்' இந்தித் திரைப்படம் உலக அளவில் நல்ல வசூலைப் பெற்று சாதனை புரிந்து வருகிறது. இந்தப் படம் ஜப்பான் மொழியிலும் 'டப்' செய்யப்பட்டு 'மேடம் இன் நியூயார்க்' என்ற பெயரில் கடந்த ஜுன் மாதம் 28ம் தேதியன்று ஜப்பான் முழுவதும் வெளியானது. 33 திரையரங்குகளில் வெளியான இந்தப் படம் இதுவரை 4,20,000 டாலர்களை வசூல் செய்து சாதனை படைத்துள்ளதாம். '3 இடியட்ஸ்' படத்திற்குப் பிறகு ஜப்பானில் வெளியான ஒரு இந்திப் படம் வசூல் செய்த இரண்டாவது மிகப் பெரிய தொகை இது என பாலிவுட் வட்டாரங்கள் தெரிவிக்கின்றன.
இந்தப் படம் ஹாங்காங், தைவான், கொரியா, ஜெர்மனி உள்ளிட்ட பல நாடுகளில் வெளியானதைத் தொடர்ந்து ஜப்பானிலும் வெளியிடப்பட்டது. இந்தப் படத்தின் வெளியீட்டு பிரமோஷனுக்காக ஸ்ரீதேவி ஜப்பானுக்கும் சென்றார் என்பது குறிப்பிடத்தக்கது. நீண்ட இடைவெளிக்குப் பிறகு தான் நடித்த ஹிந்திப் படம் உலக அளவில் வரவேற்பு பெற்று வருவது குறித்து ஸ்ரீதேவி மிகவும் மகிழ்ச்சியாக உள்ளாராம். தொடர்ந்து நல்ல கதாபாத்திரங்களில் நடிப்பதற்காக காத்திருக்கும் ஸ்ரீதேவி, விரைவில் விஜய் நடிக்கும் படத்தில் நடிக்கவிருப்பதாகவும் தகவல்கள் வெளியாகியுள்ளன.
'இங்கிலீஷ் விங்கிலீஷ்' படத்தை பிரபல இயக்குனர் பால்கியின் மனைவியான கௌரி ஷிண்டே இயக்கியிருந்தார். அஜித்தும் படத்தில் ஒரு 'கேமியோ' கதாபாத்திரத்தில் நடித்திருந்தார் என்பது குறிப்பிடத்தக்கது. ஜப்பான் ரசிகர்களிடம் ரஜினிகாந்தை அடுத்து ஸ்ரீதேவியும் பிரபலமாகிவிட்டார்.