சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு | விஜய் சேதுபதிக்கு வில்லனாகும் நாசர் |
ரிஷிகேஷ் முகர்ஜி இயக்கத்தில் அசோக்குமார், ராகேஷ் ரோஷன், ரேகா நடித்து 1980ம் ஆண்டு வெளிவந்த வெற்றிப் படமான 'கூப்சூரத்' படம் அதே பெயரில் தற்போது ரீமேக் செய்யப்பட்டு வருகிறது. ஷஷாங்கா கோஷ் இயக்கத்தில் ஃபவத் அப்சல் கான், 'ராஞ்சனா' புகழ் சோனம் கபூர் நடிக்கத் தயாராகி வருகிறது. பழைய 'கூப்சூரத்' படத்தில் ரேகாவின் நடிப்பு படத்தின் வெற்றிக்கு மிகப் பெரிய காரணமாகப் பேசப்பட்டது. ஆனால், அவரைப் போல் அந்த கதாபாத்திரத்தில் தன்னால் சிறப்பாக நடிக்க முடியாது என புதிய 'கூப்சூரத்'தில் ரேகா கதாபாத்திரத்தில் நடிக்கும் சோனம் கபூர் மனம் திறந்து பேசியுள்ளார்.
“என்னைப் பொறுத்தவரையில் ஒரு சில படங்கள்தான் முழுவதுமாக ரசிக்க வைக்கும் படங்களாக அமையும். ரிஷிகேஷ் முகர்ஜி போன்ற ஒரு சிலர்தான் அப்படிப்பட்ட படங்களைக் கொடுத்தனர். அவரது படைப்பில் உருவான 'குட்டி, மில்லி, கூப்சூரத்' படங்கள் அப்படி ஒரு உணர்வைத் தந்த படங்கள். அவருடைய படங்களில் ஒரு கருத்து இருக்கும், அதே சமயம் மிகவும் ஜாலியான படங்களாகவும் இருக்கும். அவர் படங்களைப் பார்த்து வளர்ந்தவள் நான். இந்த படத்தில் ரேகா அளவிற்கு என்னால் நடிக்க முடியாது,” என்றும் கூறியிருக்கிறார்.
இந்த படம் மூலம் பாகிஸ்தான் நடிகரான ஃபவத் அப்சல் கான் பாலிவுட்டில் அறிமுகமாகிறார். செப்டம்பர் மாதம் படம் திரைக்கு வர உள்ளது.