பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா | 10 மில்லியன் பார்வையாளர்களை கடந்த ‛இனிமேல்' ஆல்பம் | டில்லியில் தக்லைப் படக்குழு : கமல் - சிம்பு - கவுதம் கார்த்திக் பங்கேற்பு | கார் விபத்து வழக்கு - நீதிமன்றத்தில் ஆஜரான யாஷிகா | 'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் |
பாலிவுட் நடிகர் அனில் கபூரின் வாரிசு சோனம் கபூர். "சாவரியா" என்ற இந்தி படத்தின் மூலம் அறிமுகமானவர், இப்போது பாலிவுட்டின் வளர்ந்து வரும் இளம் நடிகைகளில் ஒருவர். தற்போது நம்மூர் தனுஷ் உடன் ராஞ்சனா என்ற படத்தில் ஜோடி போட்டுள்ள சோனம் கபூர், நம்மோடு பகிர்ந்து கொண்ட சில விஷயங்கள்...
* நீங்கள் அறிமுகமான முதல் படம், சரியாக ஓடவில்லையே?
"சாவரியா என்ற படத்தில், ரண்பீர் கபூர் ஜோடியாக அறிமுகமானேன். அந்த படம், சரியாக ஓடாததில், வருத்தம் தான். ஆனால், அந்த படத்தில், என் நடிப்புக்கு, நல்ல விமர்சனங்கள் வந்தன. பட வாய்ப்புகள் தொடர்ச்சியாக கிடைத்ததால், முதல் படம் ஓடவில்லையே, என்ற கவலை, மறைந்து விட்டது.
* "ரஞ்சனா படத்தில், "கொலை வெறி புகழ் தனுசுடன் நடித்த அனுபவம்?
நான், வெள்ளித் திரைக்கு அடி எடுத்து வைத்து, ஏழு ஆண்டுகள் ஆகிவிட்டன. ஆனால், தனுசுக்கு முன்னால் நடித்தபோது, ஒரு புதுமுக நடிகைக்கு ஏற்படுவது போன்ற அனுபவம் எனக்கு இருந்தது. அவர், ஒரு மிகச் சிறந்த நடிகர். என்னைவிட, நன்றாக நடிக்கிறார்.
* எப்படிப்பட்ட வேடங்களில் நடிக்க விருப்பம்?
நம்பர் ஒன் என்ற அந்தஸ்தோ, பணமோ எனக்கு முக்கியமில்லை. நடிப்புத் திறமையை வெளிப்படுத்தும், சிறப்பான கேரக்டர்களில் நடிக்க வேண்டும் என்ற ஆசை உள்ளது. குறிப்பாக, எப்போதும், மகிழ்ச்சியாக இருக்க வேண்டும் என்பதே, என் விருப்பம். அதற்கேற்ற, கேரக்டர்களில் நடக்க விரும்புகிறேன்.
* எத்தனை படங்களில் நடிக்கிறீர்கள்?
இரண்டு படங்களில் நடிப்பதற்கு, கால்ஷீட் கொடுத்துள்ளேன். ஒரே நேரத்தில், இரண்டு படங்களில் நடிப்பதில், ஆர்வமில்லை. ஒரு படத்தை முடித்து விட்டு, அடுத்த படத்தில் நடிப்பதை தான், விரும்புகிறேன். அப்போது தான், கேரக்டரை, நம் மனதுக்குள் உள்வாங்கி, நடிப்பை, முகத்தில் பிரதிபலிக்க முடியும்.
* அனில் கபூரின் மகள் என்பது, உங்களுக்கு பிளஸ் தானே?
கண்டிப்பாக, பிளஸ் தான். என் தந்தை, மிகச் சிறந்த நடிகர்களில் ஒருவர் என்பதில், பெருமைப்படுகிறேன். அதே நேரத்தில், அவர் பெயரை காப்பாற்ற வேண்டும் என்ற பொறுப்பும், எனக்கு உள்ளது. அதற்கு தகுந்தபடி நடந்து கொள்வேன்.