தமன்னாவை பாலிவுட்டுக்கு இழுக்கும் இலியானா!

ஆந்திர சினிமாவில் பல நடிகைகளுக்கு போட்டி நடிகையாக திகழ்ந்தவர் இலியானா. குறிப்பாக அவருக்கும் அனுஷ்காவுக்குமிடையே அங்கு பலத்த தொழில் போட்டி சில வருடங்களாகவே நடந்தது. ஆனால் அப்போதெல்லாம் அதே களத்தில் அதிகப்படியான படங்களில் நடித்து வந்த தமன்னாவிடம் நெருக்கமான தோழியாக இருந்தார் இலியானா. இருவரும் இணைந்த கைகளாக செயல்பட்டு அனுஷ்காவுக்கு செல்லவிருந்த படங்களை தங்கள் பக்கம இழுத்து அவருக்கு பெரிய சவாலாக இருந்து வந்தனர்.

அப்படி அனுஷ்காவுக்கு கூட்டு சதி செய்த வந்த தமன்னா, இலியானா இருவரும் பின்னர் வெவ்வேறு மொழிகளில் நடிக்கத் தொடங்கியதால் அவர்களின் நட்பு தடைபட்டது. இருப்பினும், தற்போது பாலிவுட்டில் கொடி நாட்டியுள்ள இலியானா, ஹிம்மத்வாலாவுக்கு பிறகு பாலிவுட் பக்கம் செல்வதை நிறுத்தி விட்ட தமன்னாவை மீண்டும் பாலிவுட்டுக்கு வருமாறு அழைப்பு விடுத்து வருகிறார். அதன்காரணமாக, இனி தென்னிந்திய சினிமாதான் கடைசி வரைக்கும் என்று சொல்லிக்கொண்டிருந்த தமன்னா, மும்பைக்கு தன்னை அழைத்து சில முன்னணி பாலிவுட் ஹீரோக்களுடன் இலியானா கொடுத்த மீட்டிங்கைத் தொடர்ந்து மீண்டும் பாலிவுட் பிரவேசத்துக்காக வேகமாக தயாராகி வருகிறார்.