ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
மலையாள நடிகர் தான் என்றாலும் தமிழ்சினிமா தனக்கு அளித்த கௌரவத்தை மனதில் கொண்டு தனது மகன் காளிதாஸை தமிழில் அறிமுகப்படுத்தும் ஆசையில் இருந்த ஜெயராம் பாலாஜி தரணீதரனின் டைரக்சனில் 'ஒரு பக்க கதை'யில் மகனை நடிக்க வைத்தார். சில காரணங்களால் அந்தப்படம் வெளியாகாமல் இருக்க, அடுத்ததாக பிரபுவுடன் சேர்த்து 'மீன் குழம்பும் மண்பானையும்' என்கிற படத்தில் நடிக்க வைத்தார். இந்தப்படமும் ஆடியோ ரிலீஸ் முடிந்த நிலையில் ரிலீஸாக தாமதமாகி வருகிறது.
இந்த நிலையில், சரி.. மலையாளத்திலாவது தனது மகனின் அறிமுக வேலைகளில் கவனம் செலுத்த முடிவு செய்துள்ள ஜெயராம், மலையாளத்தில் காளிதாஸ் நடிக்கும் முதல்படமே குறிதப்பாமல் வெற்றிக்கனியை பறிக்கவேண்டும் என தீர்மானித்துவிட்டார். அதற்காக அவர் தேர்ந்தெடுத்தது இயக்குனர் அப்ரிட் ஷைனைத்தான்.. யார் இந்த அப்ரிட் ஷைன் என்கிறீர்களா..? நிவின்பாலியை வைத்து '1983' மற்றும் 'ஆக்சன் ஹீரோ பிஜூ' என தொடர்ந்து இரண்டுமுறை 100 நாள் படங்களை கொடுத்தவர்.. தனது ஹாட்ரிக் சாதனைக்காக துடிப்புடன் தயாராகி வரும் அப்ரிட் ஷைன் படத்தில் காளிதாஸ் அறிமுகமாவது வெற்றிக்கான நூறு சதவீத உத்தரவாதம் என நம்புகிறாராம் ஜெயராம்.